VOV4.K’ho- Chủ tịch lơgar, ồng Trần Đại Quang chơ\t neh lời wơl bơta kah sơnđàc uă ngan mờ làng bol bal mờ cau ling gùt lơgar, làng bol Việt Nam kis tàm lơgar ndai mờ gơ\p bơyô ơm tàm tiah rềp tiah ngài. Làng bol Tây Nguyên kung nrơ\t ndơl, kah sơnđàc ngan gi\t lơh.

Bulah ơm tàm tiah sar lơgar ngài, tiah nhàr lơgar bơh càr Dak Lak dê, ồng Phạm Văn Chư, ơm tàm thôn 4A, xã Cư Kbang, kơnhoàl Ea Sup ờ gơ tùi nàng ờ nrơ\t ndơl ngan tu\ rơ\p pơgăp mờ do mìng dùl êt poh lơm, Chủ tịch lơgar gam tus bal ală broă lơh tàm lơgar mờ lơh broă mờ lơgar ndai uă ngan, bè : tus bal dơ\ bơyai lơh sơntờm mut nam bơsram pa tàm càr lơgar Hà Nội, lòt còp lơgar ndai mờ wă ală kuang bàng dờng màng ală lơgar dê. Mờ mìng rơ\p pa do lơm, Chủ tịch lơgar kung gam pơyoa jơnau chờ gờm sa tềp Trung thu ai kơnòm pa tàu mờ kơnòm dềt in.

Bàr pe ngai lài, den kung gam go\ sơl Chủ tịch lơgar tàm tivi, ồng gam đơng lam dà lơgar bơtàu tơnguh rlau tai. Kơno Chủ tịch lơgar chơ\t dùl bă nisơna den tàm nùs nhơm gơlơh nrơ\t ndơl mờ kah sơnđàc plai soh ngan.

Lòt kis ngài bơh [òn tờm rlau 20 nam, mut lơh sa pa tàm tiah nhàr lơgar Ea Sup, càr Dak Lak, mò Nguyễn Thị Phê ơm tàm thôn 4A, xã Cư Kbang, kung là cau gơ\p [òn bal sơl, ơm bal [òn tờm tàm càr Ninh Bình mờ Chủ tịch lơgar, ồng Trần Đại Quang. Den tu\ kơno yal jơnau ồng chơ\t, mò nrơ\t ndơl mờ kah sơnđàc plai soh ngan bè dùl nă Chủ tịch lơgar rềp mềl, lơbơn niam mờ làng bol. Mò Phê kah wơl ală jơnau kir sơnrai tàm tiah [òn tờm, mờ ală nùs nhơm rềp mềl bơh hìu bơnhă Chủ tịch lơgar, ồng Trần Đại Quang dê.

 Lài do, tơngai a` gam ơm tàm hìu, a` lòt sùm tus đah ne drà, hìu rềp mờ hìu ồng Trần Đại Quang, a` tăc biăp, bùm, tăc prìt, ală bơta. A` kung neh geh tu\ mu\t tàm hìu ồng 3, 4 dơ\ sơl; geh ngai ồng ai ơlak trăm mờ sơnơm ai bơklau a` in `ô. Ồng kis niam ngan, lơbơn niam mờ sền gròi tus làng bol. Mờ ồng sền gròi tus ală càr tiah sar lơgar ngài tàm tiah Tây Nguyên. Tu\ do, kơno jơnau ồng chơ\t, bol a` gơlơh kah sơnđàc mờ gơlơh plai soh ngan.

Bi Lê Thị Hòa, dùl nă cau lơh ba\o gam lơh broă tàm Ba\o Gia Lai neh bơtoah ngan geh 3 dơ\ tìp mat boh bơr mờ bồc ồng Trần Đại Quang, Chủ tịch lơgar, đơs.

A` bơtoah geh 3 dơ\ tìp mat, boh bơr mờ ồng Trần Đại Quang, Chủ tịch lơgar. Tàm hơ\, 2 dơ\ tàm gơnoar broă là Bộ trưởng Bộ Kuang àng, Trưởng Ban chỉ đạo Tây Nguyên. A` sền go\ ồng là cau rềp mềl, lơbơn niam. Tơnơ\ do, tu\ tàm gơnoar broă là Chủ tịch lơgar, wa geh tus còp tai xã tiah nhàr lơgar tàm kơnhoàl Đức Cơ, càr Gia Lai, Chủ tịch lơgar neh lời bơta sền gròi niam ngan, uă ngan gơ wèt mờ làng bol r[ah, ngan là làng bol kòn cau tàm tiah nhàr lơgar. A` go\, hơ\ là dùl nă kuang đơng lam bồ, tài dà lơgar, tài làng bol. Khat dùl nă cau lơi tu\ kơno yal jơnau wa chơ\t ndrờm geh bal nùs nhơm gơlơh kah sơnđàc mờ plai soh ngan ai dùl nă kuang đơng lam bồ gam geh uă broă lơh ngan, tă pơgồp uă dà kơl hề ai dà lơgar in.

Mò Nguyễn Thị Minh Nguyệt, ơm tàm tổ 15 sơnah [òn Thắng Lợi, [òn dờng Pleiku, càr Gia Lai, gơlơh kah sơnđàc mờ pơlai soh ngan tu\ kơno yal jơnau Chủ tịch lơgar, ồng Trần Đại Quang chơ\t. Tài bơh tus tàm tơngai lồi du\t bơh rài kis dê, ồng kung gam lơh ngan jơh nùs, jơh pràn nàng drơng ală broă  dờng màng dà lơgar dê.

A` nrơ\t ndơl ngan tu\ kơno yal jơnau wa Trần Đại Quang chơ\t. A` pơlai soh ngan wa in. Wa là cau đơng lam geh nùs nhơm, mờ geh bơta sền sơnơng jrô. Ală ngai lồi du\t rài kis dê, bulah g^t kòp neh jroă ngan bloh, mơya wa kung gam kơl lôi rcang ai rài tơnơ\ do làng bol Việt Nam in. Wa kung gam tìp mat mờ ală kuang đơng lam bồ lơgar ndai mờ kung gam lơh broă sơl. Wa kung gam kơlôi rcang jơh nùs, jơh pràn tus bơta lơngap lơngai, mờ bơta chờ hờp ai làng bol Việt Nam in.

Gơ wèt mờ làng bol Kon Tum, rùp să Chủ tịch lơgar, ồng Trần Đại Quang rềp mềl ngan, lơbơn niam ngan, kuơ màng là tàm tơngai Chủ tịch lơgar, ồng Trần Đại Quang gam là Bộ Trưởng Bộ Kuang àng, Trưởng Ban Chỉ đạo Tây Nguyên. Kơno yal jơnau Chủ tịch lơgar chơ\t, oh Y Minh, kòn cau Sơdàng, hìu ơm tàm xã Ngọc Linh, kơnhoàl Đăk Glei, tu\ do là kơnòm bơsram ơdu\ 12A, Hìu bơsram kấp ba Phổ thông Dân tộc Nội trú càr Kon Tum đơs bè do. 

Oh kơno wa Trần Đại Quang chơ\t là nrơ\t ndơl ngan. Să tờm oh gơlơh moat jrùm uă ngan. Pơgap mờ do bàr pe ngai wa gam cih sră pơyoa chờ gờm sa tềp Trung thu ai kơnòm pa tàu mờ kơnòm dềt in, kung bè tìp mat ală lơgar gơ\p bơyô bal tus dì tu\ jiơ du\t ndơl bơh rài kis wa dê. Să tờm oh ngan là gơlơh hoàc hươr roh rui, jê sồt muat jrùm ngan. Oh geh lơh tam gơl jơnau kah, jơnau jê sồt moat jrùm, hơ\ là lơh ngan jơh nùs bơsram sră jak ngan nàng dipal mờ ală jơnau kơ\p kơnờm mờ wa Trần Đại Quang neh kơ\p kờ` gơ wèt mờ kơnòm pa tàu mờ kơnòm dềt bol oh dê.

Cau mblàng K’ Hạnh