1. Mut tus nam pa 2018, làng bol kòn cau Sơdàng tàm càr Kontum gam pơr lòng lơh broă sa suơn sre nàng gơ in thàn mờ kàl lơh sa, gàr niam cồng nha lơh geh.

Bi A Hiếu, ơm tàm xã Ngọc Lây, kơnhoàl Tu Mrong pà git, mờ mờr 1 lồ kơphe, 5 sào bời lời mờ 2 sào kơnuh sơnơm, hìu bơnhă bi dê lơh ngan tàm nam pa do lơh geh bơta tam gơl bè lơh sa, ai cồng nha tơnhàu uă. Bi đơs:

Tàm nam 2018 do, hìu bơnhă a` geh rề ơnàng bă ù nàng tam ală sơntìl chi tam. Kuơ màng, a` geh tam tờm bời lời, kơphe mờ kơnuh sơnơm nàng rài kis ờ huan bòl glar tai. A` sùm iat rơdô, sền tivi pơlam bè bơta chài tam phan, ròng phan bè lơi nàng chi tam in gơ hòn gơs niam, geh cồng nha lơh sa uă, kơp kờ` tàm nam pa do, hìu bơnhă a` geh rài kis hờm ram rlau.”

2. Kơnờm mờ tơriang tơriồng tàm broă lơh sa mờ g^t ngui broă broă tam bơrlu\ bal di pal tàm 2 lồ suơn kơphe pa tam wơl, den tàng nam pa do, hìu nhă bi Y Thoa, kis tàm xã Dak Sak, kơnhoàl Dak Mil, càr Dak Nông neh geh priă cồng mờr 200 tơlăk priă. Tàm nam 2018, hìu nhă bi di gơlan geh rề ơnàng broă tam bơrlu\ bal kờ` geh tai rài kis kơl jăp:

Di gơlan hìu nhă a` là tàm 1, 2 nam tus geh tam tai kơphe, [ơ bal mờ plai màk kờ` geh tai priă tàm rài kis hìu nhă. Di lah ờ tìp kal ke lơi den tàm 2, 3 nam tai hìu nhă geh rài kis hờm ram.

3. Tàm xã Dà Nhim, kơnhoàl Lạc Dương, càr Lâm Đồng, uă ngan làng bol là kòn cau K’ho, tài làng bol git tam gơl broă lơh sa, ngui gơguh jak khoa học kỹ thuật tàm broă tam kơphe mờ biap, bơkàu, priă lơh geh gơguh uă, rài kis ngai sơlơ hờm ram rlau.

Ồng K’En, ơm tàm [òn B’Lá, xã Dà Nhim pà git: “Tàm nam 2017, rài kis bơh làng bol kòn cau tàm [òn dê pal đơs là geh bơta bơtàu tơnguh rlau mờ ală nam lài. Tài làng bol neh git ngui khoa học kỹ thuật, lơh ngan bơsram, đòm jat oh mi cau yuan, bơh hơ\ làng bol tam gơl broă lơh sa he dê.

Tàm ngai noel pa do, làng bol wă rò noel chờ hờp ngan, ram mhu\ ngan. Mìng is tàm dơ\ sa tềp Tây do, làng bol kung bơyai lơh chờ hờp sưnam pa tơl làm mờ chờ hờp.”

4. Mờ làng bol kòn cau Mnông kis tàm kơnhoàl Lăk, càr Dak Lak, nam pa do trồ tiah mìu uă, ờ niam tàm ală tiah tam biăp. Bi Y Linh Nom, kis tàm xã Dak Phơi, kơnhoàl Lăk kơ\p kờ` tàm nam 2018 trồ tiah geh niam rơlao, hìu nhă lơh ngan lơh broă sa kờ` bơtơl mờ ală hoàc huơr tàm nam lài:

Tàm do mìng tam bùm, mờ nam pa do tam ờ kis mờ chơ\t jơh, den tàng ờ geh phan lơi kờ` tơnhào. Tu\ ru den lòt jòi broă lơh ơpah. Nam tơnơ\ kơ\p kờ` geh broă lơh lơi [uơn. Kơ\p kờ` trồ mìu nhàc niam, kờ` ù tiah geh m[ùr niam den hơ\ sồng rài kis geh tơnguh bơtàu.

5. Nam 2017, càr Lâm Đồng lơh geh khà gơguh lơh sa niam ngan mờ rlau 8%, jơnhua ngan rlau jơh ală càr tàm Tây Nguyên mờ jơnhua rlau khà kờp bal bơh gùt lơgar dê.

Ồng Da Cát Vinh, Kuang atbồ Mpồl cau lơh broă sa càr Lâm Đồng pà git, tàm nam tus do, Mpồl cau lơh broă sa pơn jat tai là rbàng tơrbo\ kuơ màng tàm broă lam lơh sa, dong kờl kỹ thuật, càn priă… nàng cau lơh broă sa in đơs bal, cau kòn cau tàm Lâm Đồng đơs is, pơn jat tai brồ guh tam gơl rài kis. Ồng pà git:

“Tàm nam 2018, bol a` geh sơlơ lơh pràn broă lam sồr, mblàng yal, pơn jat tai lơh geh cồng nha broă lơh bơt bơtàu [òn lơgar pa, tàm hơ\ sền gròi tus broă tàm jàu khoa học kỹ thuật ai làng bol kòn cau in, nàng bơcri lơh sa, tơnguh cồng nha lơh geh bơh chi tam, phan ròng mờ lơh gơs ală phan bơna geh cồng nha lơh sa, bơh hơ\ rài kis sơlơ bơtàu tơnguh rlau.”