VOV4.K’ho - Mpồl Lãnh sự quán Mỹ tàm lơgar Việt Nam bal mờ UBND kơnhoàl Krông Bông neh bơyai lơh yal lơh jơh mờ jàu broă lơh 12 cơldu\ bơsram tàm hìu bơsram kấp 1 Cư Pui 2, xã Cư Pui, kơnhoàl Krông Bông, càr Daklak. Broă lơh geh dùl nơm hìu 2 cờn, 12 cơldu\ bơsram, 2 cơldu\ cau pơgru, ală broă lơh ndai, phan ai dà mờ phan bơna mai\ mok drơng bơ to bơtê mờ bơsram… Kờp jơh priă tă lơh là 590 rbô đôlar Mỹ, bơh Văn phòng lơh broă bal sền gàr dà lơgar, Đại sứ quán Mỹ, Gah đơng lam ling klàng Thái Bình Dương lơgar Mỹ dong kờl.