VOV4.K’ho- Di tŭ pơndờm pơnđiang cau lơh broă tàm tiah lam lài rcang sơdnră kòp, tàm 2 ngai 17 mờ 18/6, Liên đoàn Lao động càr Dak Lak tus còp mờ pà phan ală mpồl lơh broă lam lài tàm broă lơh rcang sơndră kòp Covid-19 tàm ù tiah càr dê.

                            Jàu priă tàm Hìu sơnơm Kòp jòr bơsiă gơlik mhàm mờ Kòp klờm soh

Tàm ală tiah tus còp, Mpồl neh lùp còp, pơndờm pơnđiang nùs nhơm, tam pà bal ală bơta kal ke, bòl glar mờ Kuang bàng, cau ling, y bác sĩ, cau lơh sơnơm gam pal kong tàm broă lơh kơnòl broă tàm hìu sơnơm, ală anih sền gròi kòp, tiah ai ơm yah ngài. Mpồl kung cih dờp  mờ ưn ngài ală bơta tă pơgồp, phi să ngềt ngơ̆t mờ Kuang bàng, cau ling, y bác sĩ ală mpồl lơh broă dê neh mờ gam lơh jat, pơgồp bơnah bal mờ càr lơh jat geh cồng nha broă lơh rcang sơndră kòp. Di dơ̆ do, Mpồl neh pà tơl mpồl lơh broă in 5 tơlak đong.

Cau mblàng K’Hạnh