VOV4.K’ho- Tàm dơ̆ cribơyai tàm điện thoại pa do đah Bộ trưởng Bộ Công Thương ồng Nguyễn Hồng Diên mờ Bộ trưởng Bộ Thương mại lơgar Lo ồng Vương Văn Đào, Bộ trưởng ồng Nguyễn Hồng Diên neh sồr lơgar Lo lơh geh bơta ƀuơn kă bro ai ală gah phan lơh geh bơh gah lơh sa suơn sre, phan tàm dà bơh Việt Nam dê tăc tàm lơgar Lo bơh mpồng nhàr lơgar  đah Việt Nam mờ Lo, ngan là ală phan bơna rcang mut tàm tơngai tơnhào bè plai gơ àl, plai jràng, pơ ò...

Bộ trưởng Thương mại lơgar Lo ồng Vương Văn Đào pà gĭt, đah lơgar Lo sồr ngan mờ rcang tơnguh blơi ală phan bơna lơh geh bơh gah lơh sa suơn sre, phan tàm dà geh bơta niam uă bơh lơgar Việt Nam dê. Đah lơgar Lo kung neh crơng gơs 10 tiah tơrgùm plai, 4 tiah tơgùm phan ngui sa tàm ală mpồng nhàr lơgar đah lơgar Lo dê nàng dong kờl tơrgùm ală phan bơna lơh geh bơh gah lơh sa suơn sre gam tàm tơngai tơnhào uă bơh lơgar Việt Nam dê.

Cau mblàng K’Hạnh