VOV4.K’ho – Tềng đap bơta bơcah bơtơt tơnau dơng dà hìu mai\ pờ tơlik ồs đèng tàm lơgar Lào, Thủ tướng Chính phủ kung pa ki\ kơrnuat bè broă dong kờl priă jền bơsong jơnau gơ lời wơl bơh bơta bơcah bơtơt tơnau dơng dà hìu mai\ pờ tơlik ồs đèng tàm càr Attapeu, lơgar Lào. Jat hơ\, kơrnuat dong kờl 200 rbô đôlar Mỹ ai Chính phủ lơgar Lào in geh ai bơh kes priă rơcang gàr lài dà lơgar nam 2018 nàng bơsong jal mhar jơnau gơ lời wơl bơh bơta bơcah bơtơt tơnau dơng dà hìu mai\ pờ tơlik ồs đèng tàm càr Attapeu. Chủ tịch Ủy ban Mặt trận dà lơgar Việt Nam, ồng Trần Thanh Mẫn kung neh  pơyua jơnau lùp còp tus ồng Saysomphone Phomvihane, Ủy viên Bộ Chính trị Đảng làng bol kac màng Lào, Chủ tịch Ủy ban Mặt trận dà lơgar Lào. Bơh ồng Saysomphone Phomvihane, pơyua tus làng bol kơnhoàl Sanamxay mờ hìu bơnhă ală cau gơtìp aniai jơnau lùp còp jơh nùs, bơta tam pà bal uă ngan rlau jơh.