VOV4.K’ho- Tàm dơ̆ cribơyai tàm điện thoại mờ ồng Nguyễn Xuân Phúc Chủ tịch lơgar Việt Nam tàm mho ngai 11/5, ồng Yoshihide Suga Thủ tướng lơgar Nhờk dê ala măt Chính phủ mờ làng bol lơgar Nhờk chờ gờm ồng Nguyễn Xuân Phúc Chủ tịch lơgar Việt Nam neh geh Quốc hội pin dờn pồ ăt gơnoar broă kuang đơng lam bồ Dà lơgar Việt Nam; mơkung đơs nền, lơgar Nhờk sền dờng màng ngan mờ geh pơn jăt tai lơh broă bal niam mờ jơh nùs dong kờl lơgar Việt Nam bơtàu tơnguh dà lơgar.

Jăt tàm nùs nhơm hơ̆, Chính phủ lơgar Nhờk neh geh kơrnoat lơh nền dong kờl ờ tơm wơl măy mok prăp gàr mrềt sơnơm vaccine kờp priă 200 tơlak Yên, mơkung pà ơhò kơlôi sơnơng jak chài dà lềng mờ lơgar Nhờk geh pờ mpồng lơh broă Tổng Lãnh sự quán lơgar Nhờk dê tàm Đà Nẵng tàm nam tus.

Ồng Nguyễn Xuân Phúc đơs nền, tàm tŭ lam lơh jăt gùng dà lơh broă mờ lơgar ndai bơh Pơrjum dờng cau ala măt gùt lơgar dơ̆ 13 bơh Đảng dê, Việt Nam sùm sền lơgar Nhờk là lơgar lơh broă bal tờm ngan, kuơmàng khà dùl mờ jŏ jòng. Di tàm dơ̆ do, ồng Nguyễn Xuân Phúc neh ki ngàm jà Bơtau mờ pơ ùr Bơtau lơgar Nhờk dê lòt còp lơgar Việt Nam.

Cau mblàng Lơ Mu K’Yến