VOV4.K’ho - Drim do (08/11) jăt jơ tàm lơgar Nhờk, lơgar Nhờk geh “pờ mpồng” dờp wơl cau bơsram broă lơh mờ cau lơh broă lơgar Việt Nam tus lơh broă tơnơ̆ mờ uă nhai ơm ờ dờp tài gơrềng bơh kòp Covid-19, mờ ală bơta bè broă cit sơnơm vaccine rơcang sơndră mờ kòp bal mờ broă tam cah is jăt broă lơh sơnơm.

Nàng gơtùi mŭt tàm lơgar Nhờk, cau lơh broă pal lơh jăt broă rơcang sơndră mờ kòp pa bơh Chính phủ lơgar do. Mùl màl, gơwèt mờ cau neh cit sơnơm vaccine rơcang sơndră mờ kòp tơl 2 ding sơnơm vaccine (tơnơ̆ mờ 14 ngai) mờ 1 tàm 3 bơta sơnơm vaccine neh geh ai ngui tàm lơgar Nhờk là Pfizer, Mordena, AstraZeneca mờ cồng nha xét nghiệm PCR ờ gŏ mờ kòp tàm 72 jơ tŭ mŭt tàm lơgar, den tơngai tam cah is tàm hìu geh tơmù gam 3 ngai tơnơ̆ mờ tŭ neh mŭt tàm lơgar. Gơwèt mờ ală cau ờ hềt cit sơnơm rơcang sơndră mờ kòp tơl ha là cit mờ ală bơta sơnơm vaccine bơdìh mờ 3 bơta sơnơm vaccine do, den bơdìh mờ broă geh cồng nha xét nghiệm PCR ờ gŏ mờ kòp tàm 72 jơ lài mờ tŭ mŭt tàm lơgar, den pal tam cah is tàm hìu 14 ngai tơnơ̆ mờ tŭ mŭt tàm lơgar Nhờk.

Cau mblàng Ndong Brawl