VOV4.K’ho - “Lơgar Việt Nam neh mờ gam chồl pràn lơh jăt ală jơnau hơ mờ bơceh lơh neh geh ai tàm nam 2020, tàm hơ̆ sền kuơ broă pơgồp bal mờ ală broă lơh ai lài mờ tơngu me bơh nam ASEAN 2021 geh lơgar Brunei Darussalam ai tơlĭk”.

Do là jơnau đơs geh Thứ trưởng Bộ Lao động Thương binh mờ Xã hội ồng Nguyễn Bá Hoan ai tơlĭk tàm pơrjum Mpồl duh broă mpồl bơtiàn Chài rơgơi mpồl bơtiàn dŏ 25 geh bơyai lơh jăt broă lơh pờ tơlĭk tàm internet geh lơgar Brunei Darussalam đơng lam.

Tàm anih pờ tơlĭk internet tàm lơgar Việt Nam, mờ gơnoar là anih lơh broă đơng lam pơrjum Mpồl duh broă mpồl bơtiàn chài rơgơi mpồl bơtiàn tàm lơgar Việt Nam, Thứ trưởng Bộ Lao động Thương binh mờ Xã hội ồng Nguyễn Bá Hoan pà gĭt: lơgar Việt Nam kơ̆p gơn jơh 15 anih lơh broă đah gah gơrềng bal bơh Mpồl bơtiàn Chài rơgơi mpồl bơtiàn ASEAN geh tơnguh mờ pơgồp bal geh cồng nha tàm broă bơ̆t bơtàu mờ lơh gơs ală rơndăp broă lơh să tờm dê tàm tơngai bơh nam 2021 tus 2025, geh kờp jơh tus ală broă lơh pa mờ jơnau ai lài he dê neh ai geh tàm broă rơcang sơndră mờ kòp gơtờp mờ brồ guh wơl tơnơ̆ mờ kòp gơtờp, bơsong ală broă gơrềng bal tus mờ mpồl bơtiàn gơtìp kra, tam gơl trồ tiah mờ broă lơh sa mờ măi mŏk 4.0.

Cau mblàng Ndong Brawl