VOV4.K’ho - Drim òr (27/9), Phó Thủ tướng, Bộ trưởng Ngoại giao ồng Phạm Bình Minh mờ Phó thủ tướng, Bộ trưởng Ngoại giao lơgar Kuwait neh ring bal đơng lam pơrjum Bộ trưởng Ngoại giao mpồl ASEAN mờ mpồl lơh broă bal Vùng vịnh (GCC).

Pơrjum Bộ trưởng Ngoại giao mpồl ASEAN-Hội đồng lơh broă bal Vùng vịnh là pơrjum tềng bơdìh pơrjum dơ\ 73 bơh pơrjum dờng hội đồng Liên hợp quốc, mờ broă tus bal bơh Bộ trưởng Ngoại giao mờ ala măt ală lơgar tàm mpồl ASEAN mờ mpồl lơh broă bal Vùng vịnh (GCC).

Do là dơ\ sơnrờp ală Bộ trưởng mpồl ASEAN mờ mpồl lơh broă bal Vùng vịnh pơrjum bal bơh nam 2014 mờ tơngu me sền wơl broă lơh bal, ai tơnwèt gùng dà chồl pràn broă lơh bal tàm tơngai tus, mờ cri bơyai bè ờ uă broă tàm tiah do bal mờ dunia geh sền gròi bal.

Kung di tàm dơ\ do, ală Bộ trưởng neh tam pà bal nùs nhơm bè ală broă tàm tiah do mờ dunia geh sền gròi bal bè dong kờl lơh sa, sò tơm iơh bơsăk, tam dră chính trị, tơnguh bơtàu kơl jăp tam gơl trồ tiah…

Cau mblàng Ndong Brawl