VOV4.K’ho- Drim òr (04/05), tàm ƀlàng rơndeh par Watay, càr lơgar Vientiane, neh bơyai lơh dơ̆ jào pà phan pà bơh Đảng, Dà lơgar bal mờ làng bol lơgar Việt Nam dong kờl Đảng, Dà lơgar bal mờ làng bol lơgar Lào sơndră mờ kòp Covid-19.

Đơs tàm dơ̆ pơrjum, Thứ trưởng Bộ Ngoại giao ồng Tô Anh Dũng đơs, lơgar Việt Nam sùm bal mờ lơgar Lào tàm broă tam dră mờ kòp CoVid-19 gơtờp. pin dờn là tềng đăp mờ broă đơgn lam jăk chài mờ broă lơh ngan bơh Đảng, Dà lơgar bal mờ broă lơh ngan, dùl nùs ring bal bơh ală anih lơh broă geh gơnoar bal mờ gùt làng bol, dà lơgar Lào geh gờñ sền gròi kòp Covid-19 gơtờp, brồ guh broă lơh sa mpồl bơtiàn mờ pơn jăt tai tơnguh bơtàu kơl jăp.

Phó Thủ tướng lơgar Lào ồng Kikeo Khaykhamphithun kung đơs sơl, lơgar Việt Nam là lơgar sơnrờp ngan dong kờl priă, ai cau jăk chài, pơyoa phan lơh sơnơm nàng dong kờl lơgar Lào sơndră mờ dơ̆ gơtìp kòp gơtờp do. Do là bơta gŏ niam bơnĕ ngan bơh broă gĭt gơ̆p, lơh bơyô bal, tam klăc bal mờ lơh broă bal tơl ală bơta bơh bàr lơgar Lào mờ Việt Nam, Việt Nam mờ Lào dê.

Cau mblàng Ndong Brawl