VOV4.K’ho- Pơrjum khoa học mờ tơngu me “100 nam tơnguh bơtàu Đảng Cộng sản lơgar Lo-Cri bơyai broă mờng chài bè bơ̆t bơtàu Đảng mờ đơng lam tơnguh bơtàu dà lơgar đah Đảng Cộng sản lơgar Việt Nam mờ Đảng Cộng sản lơgar Lo” pa geh bơyai lơh jăt broă lơh pơrjum tơn mờ pờ tơlik tàm internet mờ 10 anih tàm lơgar Việt Nam mờ lơgar Lo.

Ala măt Đảng Cộng sản lơgar Lo, ồng Trần Hy, Ủy viên Bộ Chính trị, Bí thư Ban Bí thư, Kuang atbồ Mpồl drơng broă Đảng dà lơgar, Kuang atbồ hìu bơsram Đảng Dà lơgar Đảng Cộng sản lơgar Lo đơs bè cồng nha jăk chài mờ broă lơh mờng chài tơnơ̆ mờ 100 nam bơ̆t bơtàu mờ tơnguh bơtàu Đảng Cộng sản lơgar Lo.

Ala măt Đảng Cộng sản lơgar Việt Nam, ồng Nguyễn Xuân Thắng, Ủy viên Bộ Chính trị, Kuang atbồ Học viện Chính trị Dà lơgar Hồ Chí Minh, Chủ tịch Hội đồng lý luận Dà lơgar đơs tờm: Lơgar Việt Nam sùm lơh jăt jơnau kờñ lơngăp lơngai dà lơgar mờ chủ nghĩa xã hội. Đảng Cộng sản lơgar Việt Nam sùm bơceh lơh, lơh niam rơlao ală kơrnoăt lam sồr, krơi is, gùng dà bơ̆t bơtàu mờ lơh gơs broă lơh chủ nghĩa xã hội lơgar Việt Nam dê mờ 3 bơta tờm là: lơh sa kă bro jăt gùng dà xã hội chủ nghĩa; dà lơgar geh adăt boh lam xã hội chủ nghĩa mờ rài làng bol lơh tờm xã hội chủ nghĩa.

Cau mblàng Ndong Brawl