VOV4.K’ho - Tàm hìu lơh broă Chính phủ, Phó Thủ tướng Thường trực Chính phủ ồng Phạm Bình Minh tus pơrjum dờng kă bro mờ bơcri priă mpồl ASEAN (ASEAN BIS) 2021 mờ tơngu me: “Bơ̆t bơtàu tơnơ̆ do kỹ thuật số kơl jăp tàm tiah ASEAN” geh bơyai lơh jăt broă lơh pờ tơlik tàm internet.

Đơs tàm pơrjum, Phó Thủ tướng Thường trực Chính phủ ồng Phạm Bình Minh đơs tờm: Broă lơh jăt jơh geh jơnau kờñ sền gròi mờ brồ guh lơh sa ờ gơtùi mìng kơnờm tàm broă lơh ngan bơh dùl Chính phủ ha là dùl lơgar krơi is, mờ kờñ geh broă lơh ngan, tus bal bơh jơh 10 lơgar tàm mpồl ASEAN kung bè ală bơyô, lơgar lơh broă bal. Mpồl ASEAN kung pal pơn jăt tai lơh jăt ală broă bơceh lơh ndai mờ mpồl ASEAN neh ring bal mờ 3 gùng dà: brồ guh, lơh jăt số jơh mờ kơl jăp, ngui khoa học kỹ thuật, công nghệ nàng chồl pràn broă tơnguh tơlir. Nàng wèt tus ală tơngu me do, Phó Thủ tướng đơs tai tus mờ bơta kuơ màng bơh broă lơh tơrgùm bal mpồl ASEAN dê bè broă lơh sa mờ măi mŏk dơ̆ 4 mờ broă chồl mhar bơceh lơh, tơnguh bơta pràn tơrgùm bal bơh mpồl ASEAN rơcang sơndră mờ ală bơta rềs àr bơh trồ tiah geh lơgar Brunei ai tơlik tàm nam do.

Cau mblàng Ndong Brawl