VOV4.K’ho - Mang òr (26/05), tàm hìu Quốc hội, mpồl kuang bàng ala măt Quốc hội lơgar Việt Nam neh tus sơn đờm pơrjum mpồl tam klăc Nghị viện dunia dơ̆ 142 jăt broă lơh pờ tơlĭk tàm internet.

                       Lơgar Việt Nam tus bal sơn đờm pơrjum dờng Mpồl tam klăc Nghị viện dunia dơ̆ 142

Mpồl kuang bàng ala măt Quốc hội lơgar Việt Nam geh Kuang geh jơng tàm Bộ Chính trị, Phó Chủ tịch Thường trực Quốc hội lơgar Việt Nam ồng Trần Thanh Mẫn lam bồ tus bal pơrjum cri bơyai mờ tơngu me “Sơrlèt mờ kòp gơtờp ngai do mờ bơ̆t bơtàu dùl rơnàng tơnơ̆ do niam bơnĕ rơlao: Gơnoar bơh ală Nghị viện”.

 Jơnau đơs tàm pơrjum cri bơyai, Phó Chủ tịch Thường trực Quốc hội lơgar Việt Nam ồng Trần Thanh Mẫn pà gĭt: Mờ nùs nhơm “Tam dră mờ kòp gơtờp bè tam dră mờ mpồl ling sò tơm”, lơgar Việt Nam neh lơh pràn, di tŭ; hòi jà broă tus bal bơh jơh ală mpồl lơh broă chính trị, broă lơh ngan, dùl nùs bal bơh gùt làng bol. Lơgar Việt Nam kung lơh jăt “jơnau kờñ dơ̆ lĕ bal” tam dră mờ kòp gơtờp geh cồng nha mờ sền gàr bơta pràn kơl dang să jan làng bol in, mờ brồ guh broă tơnguh bơtàu lơh sa, gàr niam rài kis broă lơh sa mpồl bơtiàn.

Cau mblàng Ndong Brawl