VOV4.K’ho-Tài bơh geh bơta niam ngan bè trồ tiah mờ lam lài ngui công nghệ cao tàm broă lơh sa, Dà Làc càr Lâm Đồng dê gam geh broă lơh sa sươn sre lam bồ gùt lơgar. Phan bơna biăp mờ bơkàu bơh Dà Làc dê bơh jo\ neh pơneh ngan tàm lơgar mờ tăc mờ lơgar ndai, tu\ do sơlơ đơs nền tai bơta kuơ, tu\ cau lơh broă sa tàm [òn dờng do lơh bal tàm ală broă lơh bal mờ mpồl lơh sa kă bro, tăc geh phan tàm ală drà dờng màng, lơh geh bơta kuơ phan bơna, tơnguh bơngă pin dờn mat phan kă bro.

            {ùi drim, tu\ ală àng tơngai gơcrà tus tiah hìu krơh sùm tam bơkàu cẩm chướng bơh ồng Huỳnh Đình Phước dê tàm sơnah [òn 8, [òn dờng Dà Làc, jơh dùl hìu do mpờl gơcrà tai 2 dà tơlir mờ pơrhê bơh nha mờ bơkàu dê. Kềng ală căp bơkàu pa koh, ồng Phước pà gi\t, jơh dùl hìu krơh ơnàng 3 sàu bơh hìu bơnhă dê, mìng tam dùl sơntìl bơkàu cẩm chướng lơm jat sră pơrgon lơh bal mờ Dà Làc Hasfarm.

Tam mìng dùl sơntìl bơkàu lơm bơh sơnrờp gơlơh ờ quèng, mơya tơnơ\ hơ\ sơrbac mhar ngan sền go\ do là dùl broă lơh di ngan, tài bơh jơh ală jơnau sồr bè bơta chài ndrờm [uơn ngan lơh gơtùi, lơh gơlik ală bơkàu niam bơne\ ngan. Bal mờ hơ\, hìu bơnhă ồng Phước ờ gam tai jơnau kơlôi rcăng lơi bè drà kă bro bơh phan bơna dê mờ priă jền geh bơh lơh sa, tài bơh bơta hơ\ neh geh cih lài tàm sră pơrgon lơh bal mờ Dà Làc Hasfarm.

Lài hơ\ a` lơh mờ tăc đah bơdìh mờ drà kă bro in den tàng priă lơh geh ờ kơ\ kơl jăp, tài bơh priă kă bro phan tu\ gơguh tu\ den gơmù uă ngan. Ai ală công ty den sền go\ priă jền kă bro mờ drà blơi phan gơ geh sùm rlau den tàng a` lơh bal lơh sa mờ khi den geh kuơ, tài bơh dùl bơnah lơh mờ công ty den khi neh geh lài drà kă bro, den tàng he mìng geh broă jàu phan, bơnah gam wơl là ai he in lơh geh priă jền uă rlau pơndrờm mờ lơh tăc is đah bơdìh.

            Ndrờm bè hơ\ sơl, ồng Hà Duân, là dùl nă cau lơh biăp sa jo\ nam tàm Dà Làc kung ai rài kis hìu bơnhă bơtàu tơnguh uă ngan kơnờm bơh tu\ lơh bal broă lơh lơh bal tam biăp ờdo ờdă. Ồng pà gi\t, bơh ngai lơh bal tàm Hợp tác xã Anh Đào Dà Làc den hìu bơnhă ờ gam lơh rơ\ ru broă, tam tơl bơkàu bè lài tai. Geh sră pơrgon lơh bal, jơh ală bơta ndrờm geh rơndăp tăp sèng lơm. Kơnờm bè hơ\ mờ bơta phan bơna sùm niam, priă cồng uă, mờ gơlơh lờih lờm ngan mờ ờdo ờdă ngan.

            Tu\ lơh bal mờ Hợp tác xã den a` geh bơsram, dong kờl bè bơta chài tàm ală tu\ tam, priă jền gơtìp ờ tơl den Hợp tác xã dong kờl tai. Hơ\ sồng tu\ lơh gơlik phan bơna den hợp tác xã blơi jơh den tàng a` gơlơh iang nùs ngan. Priă lơh geh bơh lơh sa pơndrờm mờ lài den neh gơguh bơh dùl dơ\ mờ nggùl tus bàr dơ\, lài do 1 sào lơh tàm dùl nam den a` lơh geh 100 tơlak priă den tu\ do tu\ lơh bal mờ Hợp tác xã den lơh geh rlau 150 tơlak, priă cồng geh rlau 70 tơlak tàm dùl sào.

            Sền go\ loh làng cồng nha gơcèng wơl bơh ală broă lơh lơh bal lơh sa, ồng Nguyễn Hữu Tiến ơm tàm sơnah [òn 7, [òn dờng Dà Làc kung neh khin cha lơh bal broă lơh mờ gơguh rơhời bă ù tam phan tàm hìu krơh bơh 1 sào gơguh tus 5 sào, tàm hơ\ mìng tam 2 sơntìl bơkàu koh ntê là cúc mờ cẩm chướng nàng tăc mờ Dà Làc Hasfarm.

Ồng Nguyễn Hữu Tiến pà gi\t, tơnơ\ mờ tu\ lơh bal tơn tàm broă lơh lơh bal lơh sa mờ công ty do, ồng bal mờ rlau 100 hìu bơnhă làng bol ndai neh ờ gam pal jê bồ jê tơngoh tai kờp du\ kơlôi sơnơng bè jơnau pal tam bơkàu lơi, broă chài rơcăng sơndră kòp bè lơi, phan lơh geh tăc mờ cau lơi, mờ mìng tơrgùm jơh tàm broă lơh sa gơ in niam ngan jat sră dan blơi phan là di. Kơnờm bè hơ\ mờ priă cồng lơh geh bơh hìu bơnhă ồng dê sùm geh rlau 600 tơlak pah nam.           

Bè sơntìl den geh ai bơh anih lơh sơntìl ờ geh kòp, ai bè bơta chài den tàm pah poh công ty ndrờm geh ai cử nhân tus tơn tàm sươn bal mờ cau lơh broă sa gròi sền tu kòp mờ geh gùng dà broă lơh nàng bơsong. Tu\ do, kòp bơtờp tàm bơkàu tàm Dà Làc gam gơlik geh kal ke, den tàng bè hơ\ nàng tơnguh uă cồng nha chi tam in den kờ` ngan geh ală mpồl cau chài ndrờm bè bơh công ty do dê nàng pơgồp bal mờ cau lơh broă sa jòi gơlik gùng dà bơsong geh cồng nha.

  Jat ồng Nguyễn Công Thừa, Kuang atbồ Hợp tác xã Anh Đào Dà Làc dê yal, bal mờ ală cau tàm mpồl lơh broă he dê, tu\ do hợp tác xã do neh rề ơnàng geh broă lơh bal tam biăp sa ală bơta jat gùng dà ờdo ờdă bal mờ rlau 200 hìu làng bol lơh broă sa, tàm hơ\ uă ngan là cau kòn cau bơh kơnhoàl Lạc Dương, càr Lâm Đồng dê.

Dilah bè tàm nam 2010, Hợp tác xã blơi 6 rbô tấn biăp cau lơh broă sa in mờ priă geh bơh kă bro là 45 tơmàn den tus nam 2017 blơi phan bơh làng bol lơh broă sa dê neh gơguh tus 44 rbô tấn, priă geh bơh kă bro gơguh tus 210 tơmàn mờ priă cồng geh mờr 21 tơmàn.

Nam lài do, Hợp tác xã pơn jat tai ai priă geh bơh kă bro mờ priă cồng gơguh 12%. Ală cau tàm mpồl ndrờm geh priă lơh geh rlau 1 tơmàn 200 tơlak dùl lồ dùl nam, mờ ală hìu làng bol lơh broă sa lơh bal lơh geh priă cồng kờp bal rlau 200 tơlak dùl lồ dùl nam, tàm hơ\ geh uă hìu làng bol lơh broă sa tàm mpồl dê geh 600 tơlak dùl lồ dùl nam, gơguh rlau 20% pơndrờm mờ lơh broă sa lơh is.

            Ồng Nguyễn Công Thừa pà gi\t, tu\ do jơnau kờ` ngui sa biăp kloh ờdo ờdă tàm drà gam uă ngan, ngan là gơ wèt mờ drà tăc mờ lơgar ndai. Den tàng bè hơ\, hợp tác xã gam pơn jat tai lơh pràn broă dong kờl nàng gơhòi gơ jà tai cau lơh broă bal lơh bal broă lơh lơh sa bal mờ Hợp tác xã.

            Gùng dà bơh bol a` dê gam niam ngan, gùng dà bơh Đảng mờ Dà lơgar dê kung bè gơnoar atbồ tiah do dê gam hòi jà ală hợp tác xã, ală mpồl lơh sa kă bro, hìu làng bol lơh broă sa sươn sre lơh bè lơi lơh bal tus gơtùi ală anih lơh sa mờ hợp tác xã Anh Đào Dà Làc neh lòt jat gùng dà do.

He dong kờl priă geh bal ală bơta chài, chi sơntìl, mờ hơ du\t ndơl là blơi jơh phan bơna lơh geh ai làng bol in. Bal mờ bă ù bơh ală cau tàm hợp tác xã dê, tài bơh drà kă bro ơh he dê neh gơguh tai, tu\ do geh bơta kal ke là lơh bè lơi nàng làng bol lơh broă sa sươn sre in geh priă càn ờ sa priă cồng uă nàng pơn jat tai bơcri lơh sa nàng tơnguh uă bơta niam phan bơna kă bro jat jơnau sồr mờ Anh Đào neh hơ pơrgon.

            Ală cồng nha lơh geh bơh 2 broă lơh lơh bal lơh sa bơh cau lơh broă sa mờ Dà Làc Hasfarm mờ Hợp tác xã Anh Đào Dà Làc dê pà go\, lơh bal đah mpồl lơh sa kă bro mờ cau lơh broă sa là jơnau sồr ờ gơtùi pleh klàs tu\ lơh broă sa sươn sre wèt tus ală drà kă bro dờng.

Lơh bal mờ mpồl lơh sa kă bro ờ mìng dong crơng gơs geh uă tiah lơh sa gơ jat bal mờ drà kă bro phan lơh geh, tơrmù geh bơta geh ngan “lơh geh uă phan den tăc ờ yòm, dùl êt ờ tơl uă den jơngkah”, mờ gam dong tơnguh bơngă mat phan kă bro, tơnguh bơngă cau lơh broă sa nàng gơ in jat thàn mờ gùng dà mu\t gơrờm bal gùt plai ù, tàm pơrlòng ngai sơlơ pràn ngan!

Cau mblàng Lơ Mu K’Yến