VOV4.K’ho - Tơnơ\ mờ rơlao 1 nhai l^k sền gàr bơta niam ờ do ờ dă tàm gùng lòt nam 2019, mpồl cảnh sát sền gàr gùng lòt gùt lơgar neh lòt sền, lơh glài uă cau kă bro pơn diang phan blơ\ blăc, phan kơrian ờ ai tăc, kuơ màng là pháo bơrtoh, ma tuý.

Jăt mờ hơ\, mpồl cảnh sát sền gàr gùng lòt gùt lơgar neh sền gròi, lơh gơlài rơlao 343 rơbô nă tìs mờ bơta niam ờ do ờ dă tàm gùng lòt, ku\p ing rơlảo rơbô nơm rơndeh dờng mờ rơlao 47 rơbô nơm Honda ală bơta.

Bè broă tam dră, sơndră mờ cau tìs, mpồl cảnh sát sền gàr gùng lòt pơgồp bal mờ mpồl lơh broă geh gơnoar go\ 828 dơ\ tìs glài ku\p màng, lơh sa, tiah kis, ku\p 609 nă cau.

Phan geh ku\p geh 31 mờng heroin, rơlao 29 rơbô năi ma tuý tổng hợp mờ mờr 3 tấn pháo ală bơta bal mờ ală bơta phan ndai geh mờr 5 tơmàn priă.

Bơh tu\ do tus lồi nam, mpồl cảnh sát sền gàr gùng lòt gùt lơgar neh tơnguh broă sền gròi, lơh glài nền nòn ală cau lơi tìs là bơta tòm lơh gơbàn rềs àr tàm gùng lòt…

Cau mblàng Ndong Brawl