VOV4.K’ho - Mpồl sền gròi bơh Uỷ ban Đối ngoại Quốc hội neh geh dơ\ lơh broă mờ UBND càr Kon Tum bè broă lơh jăt jơnau ring bal bơh Chính phủ lơgar Việt Nam mờ Chính phủ lơgar Lào bơsong broă cau kis ntrờn mờ tam bao ờ geh sră ku\p bao tàm tiah nhàr dà lơgar bơh 2 lơgar dê.

Tàm dơ\ lơh broă, Uỷ ban Đối ngoại Quốc hội neh dờp broă lơh ngan bơh càr Kon Tum dê tàm broă lơh jăt jơnau đơng lam nền nòn bơh ală tơngu me ring bal bơh Chính phủ lơgar Việt Nam mờ Chính phủ lơgar Lào, gơwèt mờ broă bơsong cau kis ntrờn khăt gơboh mờ tam bao ờ geh sră ku\p bao tàm tiah nhàr dà lơgar bơh 2 lơgar dê.

Tàm tơngai tus, càr Kon Tum tơnguh broă tìp bal, lơh broă mờ ală càr jăt gah nhàr dà lơgar bal mờ lơgar Lào, ai tơl bơta niam kờ` ală càr do lơh gơs kơnòl bal neh geh k^ ring bal bơh 2 lơgar dê.

Đah cau kis ntrờn tàm tiah nhàr dà lơgar bơh 2 lơgar dê, càr Kon Tum pal pơgồp bal lam sồr, yal ală gùng dà broă lơh, dong kờl adăt boh lam lơgar Việt Nam ai lơgar Lào in bè broă ntrờn làng bol, kă bro.

Cau cih mờ yal tơng^t Ndong Brawl