VOV4.K’ho - Drim òr (28/04), tàm Hà Nội, Ban Nội chính Dà lơgar neh bơyai lơh pơrjum gùt lơgar lơh jăt Nghị quyết pơrjum dờng dơ̆ 13 Đảng dê bè kơnòl broă lơh nội chính, rơcang sơndră mờ sa kuề sa koà mờ lơh niam tư pháp mờ lam sồr pơrlòng jăt tơ ngu me gah Nội chính Đang3 dê tơngai bơh nam 2021 tus 2025.

Tàm tơngu me ală tơngu me tòm tàm sră nggal, pơrjum neh lơh loh broă lơh tờm bơh broă nội chính, rơcang sơndră mờ sa kuề sa koà, lơh anim tư pháp geh cih tàm sră nggal pơrjum dờng dơ̆ 13 Đảng dê.

Đơs tàm pơrjum, ồng Phan Đình Trạc, Kuang atbồ Ban Nội chính dà lơgar đơs loh: mờ 7 mpồl kơnòl, broă lơh, broă lơh bơh gah Nội chính Đảng lơh jăt Nghị quyết pơrjum dờng dơ̆ 13 Đảng dê di pal, lơh mùl màl jơh aolă nùs nhơm, jơnau kờñ, gùng dà broă lơh, kơnòl bơh Nghị quyết pơrjum dờng dơ̆ 13 bè broă nội chính, rơcang sơndră mờ sa kuề sa koà mờ lơh niam tư pháp. Tàm pơrjum, Ban Nội chính Dà lơgar lam sồr pơrlòng jăt tơngu me :”Gŏ mờ pơlam ai cấp ủy đơng lam bơsong ală broă yal yă, broă sa kuề sa koà; đơng lam broă pơlam, bơsong ală broă kal ke, geh pơnrơ uă bè bơta lơngăp lơngai ờ do ờ dă tàm ù tiah dà lơgar”.

Cau mblàng Ndong Brawl