VOV4.K’ho-Mpồl lơh broă bơh Bộ Quốc phòng bơh Trung tướng Phùng Sĩ Tấn, Phó Kuang atbồ Tổng Tham mưu trưởng Ling klàng làng bol Việt Nam lơh Kuang atbồ mpồl neh tus còp, lơh broă mờ UBND càr Dak Lak bè broă ai ù lơh rơndap broă lơh gùng Trường Sơn Đông tàm ù tiah càr Dak Lak dê. Rơndap broă lơh gùng Trường Sơn Đông lòt gan càr Dak Lak geh bơta jòng rlau 126 kơi sồ. Tus tŭ do,  neh lơh sir broă mut lơh, sền swì tàm jàu 52 kơi sồ. Nam 2020, lam mut lơh 13 bơnah broă. Mơya, tài gơrềng bơh broă lơh ai ù den bàr pe bơnah broă tàm ù tiah càr dê gơtìp lơyài tŭ tơngai.

Tàm dơ̆ lơh broă, Trung tướng Phùng Sĩ Tấn sồr Kuang đơng lam bồ càr Dak Lak sền gròi, đơng lam ală anih lơh broă geh gơnoar pơgồp niam mờ Mpồl atbồ rơndap broă lơh lơh mhar ală sră pơ àr, tơngai ai ù, tŭ tơngai mut lơh. Kuang đơng lam bồ UBND càr đơs nền geh ai geh tơl bơta ƀuơn nàng rơndap broă lơh geh lơh jat di mờ broă rơndap lơh; sền gĭt do là bơta niam ngan nàng càr in bơtàu tơnguh lơh sa- mpồl bơtiàn mờ lơh kơ̆ kơl jap broă lơh sền gàr dà lơgar, sền gàr bơta lơngap lơngai.

Cau mblàng K’ Hạnh