VOV4.K’ho- Công ty Logistics Dà lơgar Lào dê pa ring bal tăc 20% bơnah priă bơh Chính phủ lơgar Lào dê tàm rơndăp broă lơh Anih ơhò ơm Vũng Áng ai Công ty Bơtàu tơnguh Anih ơhò ơm Vũng Áng đah lơgar Lào mờ Việt Nam (VDS) in, kung gơwèt gơnoar geh ngui bơh Chính phủ lơgar Lào dê sơl.

Broă tăc 20% bơnah priă ai Công ty Bơtàu tơnguh Anih ơhò ơm Vũng Áng đah lơgar Lào mờ Việt Nam in geh lơh gơlik ală bơta lơh mhar ală broă lơh lam lơh niam wơl anih ơhò ơm Vũng Áng tàm tơngai dơ̆ I (bơh nam 2021- 2023), rề ơnàng anih ơhò dà lềng ơm Vũng Áng 1, 2 mờ 3 jăt jơnau ring bal neh kĭ đah Chính phủ 2 lơgar Lào mờ Việt Nam, tơnguh tai bơta tơl pràn jun ntrờn phan bơna tàm anih ơhò ơm Vũng Áng bal mờ khà phan bơh 3 tơlak tấn gơguh tus 20 tơlak tấn tàm nam 2030.

Anih ơhò ơm Vũng Áng geh gơnoar broă kuơmàng gơwèt mờ gùng dà broă lơh bơh Chính phủ lơgar Lào dê tàm broă tus bal lơh broă gùng dà lềng mờ tơnguh tai bơta tàm tơrbŏ bal kơnhoàl ù tiah do, tơnguh tai bơta gĭt gơ̆p lơh bơyô bal, lơh broă bal kuơmàng đah Lào mờ Việt Nam.

Cau mblàng Lơ Mu K’Yến