VOV4.K’ho - “Lơh ngan tus ngai 01 nhai 7 tus do geh lơh 50 tơlăk nơm sră căn cước làng bol crăp chíp điện tử drơng broă lơh làng bol in”. Do là jơnau geh ai tơlĭk tàm pơrjum pờ tơlĭk tàm internet Tơn jơh rơndăp broă lơh niam sră nggal, prang sră làng bol mờ cơ sở dữ liệu gơrềng tus broă atbồ ƀòn ơm kis tơngai bơh nam 2013 tus 2020 (rơndăp broă 896) geh bơyai lơh tàm drim ngai 23 nhai 4, tàm hìu lơh broă Chính phủ.

Bè broă ai sồ cau dùl nă să in, bơh sră yal deh kơnòm dềt pa deh, kờp tus jơh ngai 24 nhai 3 pa do, phan lơh broă bơh Bộ Tư pháp neh dan mờ ai rơlao 5 tơlăk sồ cau dùl nă să ai kơnòm dềt pa deh in là cau lơgar Việt Nam.

Đơs tàm pơrjum, Phó Thủ tướng Thường trực Chính phủ ồng Trương Hoà Bình sồr, ală bộ, gah lơh broă dà lơgar, ală càr, ƀòn dờng pal pơgồp bal mờ Bộ Kuang àng tàm broă pơgồp bal ală gah lơh broă nàng lơh tàm broă lơh jăt sră nggal bè broă dờp jơnau tơngĭt cau ngui, dong kờl ai sền gròi jơnau tơngĭt làng bol in.

Cau mblàng Ndong Brawl