VOV4.K’ho- Drim òr 6/8, tàm Hìu Quốc hội dê, Thường trực Ủy ban Kơrnoat boh lam bơh Quốc hội dê pơrjum rề ơnàng nàng sền swì wơl Jơnau yal bơh Chính phủ dê tơrgùm kờp broă lơh jat Nghị quyết bơh Quốc dê bè gròi sền tơngume mờ lùp bơh bồ tơngai lơh kơnòl broă tus dơ\ pơrjum dơ\ 4, Quốc hội khoá XIV (Nghị quyết bè broă pơn jat tai lơh tam gơl pa mpồl kuang bàng lơh broă dà lơgar mìng lời dùl êt nă cau, lơh broă jak mờ geh cồng nha).

Ală kuang bàng đơs niam ngan Chính phủ neh lơh niam tàm broă lơh jat ală nghị quyết bơh Quốc hội dê. Tơngume ală jơnau yal đơs wơl geh dùl êt broă lơh jat ală Nghị quyết bơh Quốc hội dê bè gròi sền tơngume mờ lùp bơh bồ tơngai lơh kơnòl broă tus jơh dơ\ pơrjum dơ\ 4, Quốc hội khoá XIV; đơs ală broă lơh geh, sơ`io geh ală broă ờ hềt pràn jak, ờ niam ờ suk, dan geh bàr pe gùng dà broă lơh, jơnau dan tàm tơngai tus.

Ală kuang bàng sồr pal sơlơ tơnguh broă lơh jat adat boh lam, di tu\ sền go\ broă lơh tìs tàm tu\ rwah cau lơh broă, rơndăp tăp sèng lài kuang bàng, sồr pồ, pồ kuang bàng, công chức. Chính phủ pal pơn jat tai  sơlơ lơh uă tai broă lơh, lơh gơs ală kơrnoat boh lam bè lơh tam gơl pa mpồl kuang bàng lơh broă dà lơgar.

Broă kờp sền wơl, tơrgùm tơmu\t bal dùl anih ală anih lơh broă, mpồl cau là kuơmàng ngan mơya pal kơlôi sơnơng dùl bă kơrhia ngan, nền nòn ngan mờ geh cơng tàng ngan ngồn nàng lơh geh bơta jak chài, geh cồng nha, dipal, pleh broă tơrgùm tơmu\t bal dùl bă ờ kơlôi sơnơng nền nòn mờ khà biên chế, mpồl cau tàm dơlam kung gam uă sơl, tàm rơndăp tàm rơndồl sơl.

Cau mblàng Lơ Mu K’Yến