VOV4.K’ho- “Đèng càl tàm dà lềng neh rơcăng nàng gơ gơs là dùl broă tờm kuơmàng tàm broă lơh tàm ntrờñ năng lượng dà lơgar mờ broă mhar lơh uă đèng do là jơnau kờñ ngan jal mhar ngan ai gơmù ƀà hoàc hươr đèng ngui bơh Việt Nam dê’, hơ̆ là jơnau đơs bơh ală cau ala măt dê tus bal dơ̆ Cribơyai “Lơh uă đèng càl tàm dà lềng tài rài tơnơ̆ do năng lượng sàng goh bơh Việt Nam dê” bơh Mpồl Lơh sa dà lơgar mờ Mpồl duh broă Năng lượng Càl gùt plai ù dê bơyai lơh tàm mho ngai 16/12, tàm Hà Nội.

Cribơyai geh bơta kwơ dờng màng ngan tàm tŭ tơngai Việt Nam gam lam lơh jơh nùs ngan lơh jăt ală gùng dà broă lơh, pơlam gùng dà bơtàu tơnguh năng lượng đơs bal mờ năng lượng đèng càl tàm dà lềng đơs is. Tàm pơgăp 20 nam rê hờ ndo, khà gơguh kờp bal bơh khà ồs đèng lơh geh bơh Việt Nam dê ơm tàm khà bơh 10 tus 12% tàm dùl nam, uă bơh 1,5 tus 2 dơ̆ pơndrờm mờ khà gơguh GDP bơh rài lơh sa dê.

Cau mblàng Lơ Mu K’Yến