VOV4.K’ho - Đơs là cồng nha sền wơl, rơndăp broă ù tiah ai 3 bơta brê tàm Nghị quyết sồ 100 bơh HĐND ngai 07 nhai 12 nam 2017 (tơngai lơh broă bơh nam 2019 tus 2020) gơtìp tìs, ờ gam di pal mờ gùng dà broă tơnguh bơtàu lơh sa mpồl bơtiàn càr dê, UBND càr Gia Lai yal tus mờ pơrjum dơ̆ 2, HĐND càr Gia Lai tơngai pa bơh nam 2021 tus 2026 sền wơl, ring bal cồng nha sền wơl, lơh wơl rơndăp broă ù tiah, brê tơngai nam 2025, wèt tus nam 2030.

Jăt mờ hơ̆, bè broă tơrgùm bal, rơndăp broă ù tiah brê càr Gia Lai gơmù 18 rơbô lồ. Pal kah ngan, bă brê lơh sa geh dan bơtơl rơlao 32 rơbô lồ mờ ai rơlao 44 rơbô lồ lĭk bơdìh rơndăp broă ù tiah brê nàng drơng broă tơnguh bơtàu lơh sa mpồl bơtiàn. Ală bă brê geh dan ai lĭk bơdìh rơndăp broă ù tiah, mìng gơwèt rơndăp broă lơh bơtơ̆t dơng dà Ia Mơr (kơnhoàl Chư Prông), bơtơ̆t dơng dà Ia Thul (kơnhoàl Ia Pa mờ Krông Pa) mờ ală rơndăp broă ndai bè rơndăp broă lơh năng lượng, broă lơh hòi jà bơcri priă, nhơl chờ... tơnơ̆ mờ tŭ geh lơh wơl, bă brê lơh sa gơmù rơlao 47 rơbô 200 lồ.

Cau mblàng Ndong Brawl