VOV4.K’ho - Neh rơlao 40 nam bơh ngai tiah đah jum dà lơgar geh tơnklàs, Tây Nguyên neh geh ală broă tam gơl pràn ngan. Kuơ màng là gơl gùng nhàr dà lơgar bơh ală càr Tây Nguyên dê, ală tiah tam kơphe, cao su neh gơs mờ cèng rài kis hờm ram làng bol ală kòn cau in. gơnoar bơh ală mpồl ling tàm tiah nhàr dà lơgar là kuơ màng ngan.

Geh pơnrơ ngan tàm hơ\ he gơtùi đơs tus gơnoar bơh Binh đoàn 15, do là mpồl ling lơh broă sa, sền gàr dà lơgar gơwèt Bộ Quốc phòng dê. Ală cau ling tàm rài lơngăp lơngai neh tus bal mờ làng bol ală kòn cau kis tàm Tây Nguyên bơ\t bơtàu gơs ală [òn cau lơh broă sa priă nhai, ală [òn pràn kơl dang tơla ală bơta.

Tơnơ\ do là jơnau lùp Thiếu tướng Đặng Anh Dũng, Tư lệng Binh đoàn 15 bè broă bơ\t bơtàu broă lơh sa pơgồp bal mờ sền gàr bơta lơngăp lơngai dà lơgar bơh Binh doàn dê tàm tiah nhàr dà lơgar Tây Nguyên.

-Bơh tu\ tơnklàs dà lơgar tus tu\ do neh rơlao 40 nam, tàm tiah nhàr dà lơgar hờ đah tô Tây Nguyên do, ală bă ù gơtìp [ồm mền, gar phào tàm rài tam lơh lơh tơrlah tơrling jơh, tu\ do neh ơla mờ ù tiah tơlir niam bơh tòm cao su, kơphe dê mờ ală [òn geh rài kis hờm ram, lơngăp lơngai. Gơnoar bơh Binh đoàn 15 neh tơngo\ loh làng bơngă bè lơi tàm broă bơ\t bơtàu do ơ Thiếu tướng?

Thiếu tướng Đặng Anh Dũng: Tơnơ\ mờ tu\ Hiệp định Paris geh k^ hơ bal den Đảng, Dà lơgar bal mờ ling klàng neh bơyai lơh ai ală mpồl lơh sa sền gàr dà lơgar tus tàm Tây Nguyên. Tàm broă lơh jăt kơnòl tàm Tây Nguyên tu\ hơ\, tơnơ\ rài tam lơh, tu\ hơ\ là tiah tơrlah tơrling, hơ\ sồng [ồm mền, sơnơm khih tàm rài tam lơh, hơ\ sồng kòp tê jê să gơbàn, làng bol den jơgloh rơ[ah.

Lơh jăt gùng dà broă lơh bơh Đảng mờ Dà lơgar den Binh đoàn 15 geh crơng gơs. Bơh tu\ hơ\ tus tu\ do den geh g^t nđờ 10 rơbô nă làng bol geh tus Tây Nguyên bal mờ làng bol ală kòn cau kis tàm Tây Nguyên bơ\t bơtàu Tây Nguyên sơlơ ngai sơlơ pas gơs mờ hờm ram.

Tu\ do là brê cao su, kơphe tàm Tây Nguyên neh uă. Mờ mìng Binh đoàn 15 là geh rơlao 40 rơbô lồ cao su mờ g^t nđờ rơhiang lồ kơphe. Bal mờ hơ\ là gơnoar atbồ [òn lơgar, làng bol ală kòn cau kung tam kơphe, tam cao su, ròng phan lơh broă sa mờ ală bă sre lơh kòi. G^t nđờ rơbô lồ sre lơh kòi kung neh geh làng bol lơh, geh cèng wơl rài kis hờm ram gơboh gơbài làng bol tàm Tây Nguyên in.

Broă kis kơ\ 1 bă tiah tàm tiah nhàr dà lơgar do geh kuơ màng ngan tàm broă tơnguh bơtàu lơh sa mpồl bơtiàn mờ sền gàr bơta lơngăp lơngai dà lơgar tàm do. Kung bơh ală làng bol kis tàm tiah nhàr dà lơgar do là ală cau ling sơnrờp ngan di lah gơbàn tam lơh, mờ là ală cau pah ngai, pah tu\ sền gàr dà lơgar, sền gàr bơta lơngăp lơngai tàm tiah nhàr dà lơgar Tây Nguyên dê.

-Ờ mìng lơh sa, Binh đoàn 15 kung neh lơh geh ală [òn cau lơh broă sa priă nhai, ală mpồl lơh sa ha là đơs di ngan rơlao là ală mpồl [òn pràn kơl dang tơl ală bơta. Thiếu tướng gơtùi yal loh rơlao tai bè broă lơh bơh Binh đoàn dê kờ` geh cồng nha bè hơ\?

Thiếu tướng Đặng Anh Dũng: Tơnơ\ mờ tu\ crơng gơs den Binh đoàn neh geh gùng dà broă lơh là Binh đoàn pơgồp bal mờ càr; công ty pơgồp bal mờ kơnhoàl, mờ xã; mpồl lơh broă pơgồp bal mờ [òn.

Bơh broă tơnguh bơtàu lơh sa mpồl bơtiàn tàm do den Binh đoàn geh ai bơh tàm ală broă ai rơndăp ù tiah lơh sa mpồl bơtiàn tơrgùm bal càr dê kờ` bơ\t bơtàu ală rơndăp broă ù tiah Binh đoàn dê di pal. Mờ ală gùng dà broă lơh là pờ ơnàng lơh sa tus tàm tiah lơi den lơh [òn ơm kis tus tàm tiah hơ\. Tu\ do là Binh đoàn neh geh g^t nđờ rơhiang anih lơh pôs ling.

Tơl anih lơh pôs ling hơ\ là 1 [òn. Bơh sơnrờp tơn, den ală [òn do, cau atbồ mpồl là cau atbồ mpồl mờ kung là cau atbồ [òn, mờ là kuang àng, tus bal Hội đồng Nhân dân ală xã tàm kơnhoàl. Bal mờ kơnhoàl, mờ làng bol tàm kơnhoàl bơ\t bơtàu ală tiah lơh sa sền gàr dà lơgar.

-Thiếu tướng gơtùi đơs loh bè ală broă lơh kờ` dong kờl làng bol, cau lơh broă sa priă nhai iang nùs lơh broă sa, bơh tu\ hơ\, bơ\t bơtàu 1 anih sền gàr dà lơgar kơl jăp tàm tiah nhàr dà lơgar hờ đah tô Tây Nguyên dê?

Thiếu tướng Đặng Anh Dũng: Binh đoàn neh bơcri priă lơh g^t nđờ rơbô kơi sồ gùng lòt tàm [òn, tàm xã bè gùng cấp phối, gùng dă mờ cài, gùng bêtông, hơ\ sồng mờr 500 kơi sồ gùng che ồs đèng Trung thế, hạ thế tai. Broă lơh hìu ròng siam mờ sền gàr kơnòm dềt, hìu bơsram mẫu giáo geh bơcri priă lơh ndrờm bal.

Mìng is broă lơh sơnơm là bơh Binh đoàn tus mờ ală mpồl lơh broă ndrờm geh cau lơh sơnơm, geh hìu sơnơm lơm. Binh đoàn den geh hìu sơnơm; công ty den mìng geh hìu trạm xá; mpồl lơh broă sa den geh quân y sĩ, sùm rơcang sơndră bal mờ sơm kòp di tu\ bơh sơnrờp ai cau lơh broă bal mờ làng bol in. Bè hìu bơsram, bơh ală nam sơnrờp ală công ty bơh Binh đoàn ndrờm geh hìu bơsram cấp 1 mờ cấp 2.

Ha là Binh đoàn kung lơh niam ngan tàm broă tus bal tơmù hoàc huơr bơh trồ tiah lơh aniai. Bè tàm dơ\ mìu càl dờng nhai 4 nam 2017 tàm kơnhoàl Cư\ Prông, tơnơ\ mờ mìu càl dờng tus den g^t nđờ rơhiang nă kuang bàng, cau ling, cau lơh broă sa priă nhai bơh Trung đoà 710 neh tus tơn tàm [òn, bal mờ làng bol tơmù hoàc huơr tơn mơ.

Mờ di tu\ Binh đoàn dong kờl priă kờ` dong kờl ală hìu nhă lơh wơl hìu neh gơtìp tơrlah. Ha là khà làng bol gơbàn ồs sa hìu, den oh mi yal tus là Binh đoàn kung dong kờl priă kờ` làng bol geh priă lơh wơl niam hìu mơ. Den tàng neh geh nùs nhơm đềt mềr ngan bơh cau lơh broă, cau lơh broă sa priă nhai tus tàm do mờ làng bol tàm tiah do.

Geh lơh gơs 1 mpồl tam klăc bal jơi bơtiàn kòn cau kơl jăp tàm tiah do mờ kung pơgồp bal kuơ màng tàm broă lơh jăt gùng dà broă lơh bơh Đảng mờ Dà lơgar tàm broă tơnguh bơtàu lơh sa mpồl bơtiàn, tơnguh broă sền gàr bơta lơngăp lơngai dà lơgar tam tiah lơh sa Tây Nguyên dê.

Tu\ nùs nhơm làng bol tàm do tam klăc bal, hờm ram den làng bol pin dờn mờ Đảng mờ Bác Hồ, pin dờn tàm rài dà lơgar den bol a` pin dờn là, ờ geh 1 nă cau iơh bơsăk lơi gơtùi sơgràm geh Tây Nguyên.

-Ơi, bơh tu\ tơnklàs dà lơgar tus tu\ do, den broă tam gơl pa sơlơ ngai pal sơlơ geh uă rơlao kờ` di pal mờ broă kờ` tàm rài pa. Gơwèt mờ Binh đoàn 15 den bè lơi ơ Thiếu tướng?

Thiếu tướng Đặng Anh Dũng: Broă lơh jăt broă tam gơl wơl Binh đoàn dê là broă geh lơh sùm. Bol a` g^t là ờ gơtùi di nùs, ờ gơtùi ơm tơn tàm ală tu\ lơi, tàm hơ\ geh bal tu\ pas gơs ngan he neh geh kung pal rơcang broă di gơlan rềs àr di gơbàn.

Den tàng Binh đoàn neh bơyai lơh mờ neh pờ uă ngan ơdu\ bơto bơtơl, tơnguh jơnau g^t wă tàm broă lơh, tơnguh cồng nha broă atbồ mpồl kuang bàng. Bơh tu\ hơ\, tus tu\ do, bol a` neh tơmù rơlao 500 nă cau lơh broă pơgồp bal mờ khà cau gam tai den bol a` geh pơn jăt tai bơto, mờ bơto sùm. Mờ să tòm cau lơh broă, cau chài tàm broă lơh kung geh bơto wơl sơl.

Binh đoàn kung neh pơgồp bal mờ ală hìu bơsram bè hìu bơsram Đại học Tây Nguyên, hìu bơsram Đại học Nông lâm [òn dờng Hồ Chí Minh, hìu bơsram kuang bàng lơh broă sa suơn sre mờ tơnguh bơtàu [òn lơgar 2 bơh [òn dờng Hồ Chí Minh kờ` bơto mờ tơnguh jơnau g^t wă tàm broă atbồ mpồl kuang bàng in, geh bơsram ală jơnau pa ngan.

-Ơi, dan ưn ngài Thiếu tướng uă ngan!

Cau cih mờ yal tơng^t Ndong Brawl