VOV4.K’ho – UBND càr Daklak neh geh dơ\ lơh broă mờ Mpồl lơh broă bơh Tổng cục atbồ ù tiah (gơwèt Bộ Tài nguyên mờ Môi trường) bè broă lòt sền, sền sơwì bơta geh ngan broă lơh atbồ, ngui ù lơh sa suơn sre, ù tam mờ sền gàr brê tàm càr. Mpồl lơh broă neh cih dờp mờ jờng rơ ală cồng nha lơh geh bơh càr Daklak dê tàm broă lơh atbồ, ngui ù lơh sa suơn sre, ù tam sền gàr brê.

Mơkung đơs tờm, càr pal sơlơ lơh pràn broă đo was, đal git gùng nhàr, lơh sră wac sềr ù tiah, sền sơwì rơndap broă ngui ù bơh ală kong ti dê; di tu\ ai ù ơm, ù lơh sa ală hìu bơnhă làng bol kòn cau in di mờ broă rơndap lơh; sơlơ lơh mhar broă bơsong ală broă gơlik geh bè tam pìt tam phà, yal yă bè ù lơh sa suơn sre, ù tam sền gàr brê… Kuang đơng lam UBND càr Daklak dan mờ Chính phủ dong kờl priă nàng đo was, lơh sră wac sềr ù tiah tus mờ rlau 126 rbô 500 lồ ù bơh ală kong ti lơh sa suơn sre, tam sền gàr brê jàu càr in atbồ.