VOV4.K’ho - Ngai òr (12/1),  tàm [òn dờng Huế, Mpồl lơh broa\ kòn cau bơh Quốc hội neh bal mờ mpồl tam klac ù brê (FORLAND) bơyai lơh pơrjum  đơs wơl broa\ lơh atbồ, ngui ù tiah geh bơh nông lâm trường dà lơgar. Tu\ do,  gùt lơgar geh mờr 300 kong ti,  mpồl lơh sa ka\ bro ngui ù tiah geh bơh nông lâm trường dà lơgar.

Tàm dơ\ pơrjum do,  ala\ cau kuang geh đơs la,  broa\ tam phà ù bơh làng bol mờ ala\ nông, lâm trường dà lơgar jo\ jòng tàm ua\ ngan, bơta blơi tac, tac ù tìs kung gam ờ hềt bơsong geh jơh. Ala mat  Mpồl lơh broa\ bal ù brê geh jơnau kờ` đơs: Ala\ [òn lơgar kờ` pal geh git ba\ ù ơnàng, nhàr ù tồt jrong mờ lơh sra\ ù tus ala\ kong ti nông lâm  nghiệp tơnơ\ geh tam gơl pa. Bal mờ hơ\, kờ` bơsong jơh ala\ anih ta\, khùa ala\ ba\ ù chi brê  geh tam pà mờ làng bol neh  tam chi, lơh sa niam, jàu wơl cau lơi in kờ` ù…

                           Cau cih mờ yal tơnggit K’ Brọp