VOV4.K’ho – Tây Nguyên mờ bơta pơn rơ là trồ tiah tơngai duh sùm là dùl bơta kòn yan dờng ngan tus mờ ală mpồl ling lơh broă tàm [òn lơgar tàm broă gàr tơl phan sa. Bulah bè hơ\, kơnờm geh ală jơnau bơceh pa [uơn ngan, geh cồng nha, tơngai lài, ală kuang bàng, cau ling bơh Lữ đoàn 273 neh lơh jơh niam ngan kơ nòl bơtàu tơnguh lơh sa, gơ gơs là dùl tàm ală mpồl ling geh pơn rơ gàr tơl phan sa kloh niam pah nam ai kuang bàng, cau ling bơh Quân đoàn 3 dê

Kờ` gàr tơl phan sa ris kloh niam, cèng tơl bơta pràn ai kuang bàng, cau ling tàm mpồl in, tu\ do, Lữ đoàn 273 gam geh mpồl phan ròng dờng, iar ơda gơguh tus mờr 1 brô 500 nơm. Tàm hơ\ bơta kuơ màng là, broă ròng phan tàm do ndrờm jat rơndap broă lơh gơlik is, ngui sa is mờ gàr tơl bơta kloh niam. Là cau dờp kơnòl sền gròi mờ ròng mpồl phan ròng dờng, iar ơda bơh Lữ đoàn Tăng thiết giáp 273, Đại uý Hoàng Văn Huấn pà git, nàng geh mpồl sur sơntìl tơl niam, mpồl neh ròng tai git nđờ jơt nơm sur me. Mpồl phan ròng dờng, iar ơda mpồl ling dê sùm geh cit sơnơm rơcang sơndră kòp di mờ tơngai pơrgon geh sồr. Phan siam phan ròng in kung gàr tơl kloh niam ờ do ờ dă, ờ ngui lơ\ lơh lơmă, lơ\ lơh chul bơta dờng phan ròng: “Ròng phan kloh niam tàm do là ngui lơ\ phe, phan sa jơngkah cau ling dê, biap mpồl ling tam is mờ geh bơ tơl phan sang bơh bùm blàng… Tàm do, den he lơh wàng ròng kloh niam, cit sơnơm rơcang sơndră kòp pah nhai, jat tơngai pơrgon, jat poh, bồ ka, pròc ka.. gàr tơl phan ngir, tơnguh khà kơn jơ\ bơh 15 tus 18 ki\ tàm 1 nhai.”

Bal mờ hơ\, Lữ đoàn 273 gam lời 1 lồ ù nàng tam ală bơta biap, chi sa plai, tơl ală biap jat kàl, ală bơta biap lơh phan te\ mờ plai, kơnuh prap rơcang gàr. Trung uý Trần Văn Tráng, cau dờp kơnòl sền gròi suơn biap pà git, broă tam biap tàm nhai mìu kal ke ngan. Tài nhai mìu tàm Tây Nguyên jo\ jòng 6 nhai, mờ ală dơ\ mìu dờng, nisơna sùm lơh biap gơtìp lề, halà chơt ngơr băm. Kờ` jòi broă lơh ai bơta do in, ală kuang bàng, cau ling lữ đoàn dê neh geh jơnau bơceh, lơh rơnda mờ che lòs, geh glòm mờ jàl đang rơkàng mờ 4 gah gùt dar: “Hìu jàl do lơh tơmù khà mìu gơ dùh tơn di tềng biap, den dong tơmù khà lề biap bơh 70 tus 80%. Jơm mờ jàl gùt dar den khà càl khồm kung ờ huan gơtìp aniai, he tam biap niam rlau. Ală rbòng lik dà niam, den tu\ trồ mìu, geh rbòng lik dà den khà dà hòr jơh tus hờ dà croh, tềng tiah ù ha pah den dà gơ hoài soat mhar rlau, biap hòn gơs niam rlau.”

Jat Trung tá Nguyễn Công Ích, atbồ mpồl dong broă Lữ đoàn 273, Quân đoàn 3, nàng geh biap tơl kloh niam ờ do ờ dă cau ling in, mpồl đơs “ờ” mờ broă ngui sơnơm tu, mơkung geh jơnau bơceh gơ sơt tu sa biap 1 bă geh cồng nha. Jat mờ hơ\, mpồl tam bơkàu cúc rơmut tàm gùt dar 4 gah suơn biap dê kờ` bơh trơh ală bơta kong kìm deh kòn: “Tàm mpồl bol a` dê ờ ngui sơnơm tu, ngui chế phẩm sinh học tram bơh tỏi, mre\, ca… tram mờ ơlak geh khà angkol uă bơh 15 tus 20 ngai. Biap tàm do là biap kloh niam, gàr tơl bơta niam mờ pràn kơldang să jan cau ling in.”

Kơnờm tàm ală jơnau bơceh pa tàm broă bơtàu tơnguh lơh sa, uă nam do, Lữ đoàn 273, Quân đoàn 3 neh lơh geh cồng nha niam tàm ală dơ\ pơr lòng mpồl ling bơtàu tơnguh lơh sa jak gùt quân đoàn. Bơta hơ\ bè 1 cơng tàng ai go\ broă bơtàu tơnguh nùs nhơm niam bơh cau ling Tăng thiết giáp dê tàm rài ring lơngai.

                                           Cau cih mờ yal tơnggit K’Duẩn