VOV4.K’ho - Tơnơ\ mờ tu\ Bộ Công thương tơl^k kơrnoăt sồ 648 bè broă tơnguh khà priă ồs đèng di pơgăp 8,36% den sră priă tăc ồs đèng bơh uă hìu nhă gơguh uă. Kờ` g^t loh rơlao tài bè lơi tơnguh khà priă ồs đèng kung bè mblàng ală jơnau lùp bơh làng bol tàm broă kờp priă ồs đèng.

Hương Lý cau ai jơnau tơng^t jơnau đơs Việt Nam neh geh dơ\ lùp ồng Trần Văn Thuận, kuang atbồ Công ty Điện lực Dak Lak bè tơngu me do.

-Ơ ồng, pa do, Bộ Công thương neh tơl^k kơrnoăt tơnguh khà priă ồs đèng 8,36%, bè hơ\, dan ồng yal loh rơlao bè tơngu me do?

Ồng Trần Văn Thuận: Bè broă tơnguh khà priă ồs đèng tàm tơngai pa do. Tàm ngai 20 nhai 3 nam 2019, Bộ Công thương neh tơl^k kơrnoăt sồ 648 bè broă lơh wơl khà priă tăc mờ tơl^k tơngu me priă tăc ồs đèng.

Jăt mờ kơrnoăt pa do, khà priă tăc ồs đèng gơguh jơh ală mpồl cau ngui là 1.864, 44 priă tàm 1 KW, bè hơ\ khà priă gơguh pơn drờm mờ kơrnoăt geh ai lài do là 8,36%.

 Gơwèt mờ ală mpồl cau ngui ồs đèng drơng tàm rài kis, khà priă pa gơguh bơh 8,35 tus 8,38% jăt mờ khà ồs đèng bơh cau ngui tàm nhai. Mùl màl, gơwèt mờ cau ngui ồs đèng tàm rài kis bè ờs bơh 100kWh tàm 1 nhai den jăt tơngu me khà priă lài do tơm priă ngui ồs đèng neh geh bal priă dia là 173 rơbô 190 priă, jăt tơngu me khà priă pa là 187 rơbô 660 priă, bè hơ\ khà gơguh jăt tơngu me khà priă pa pơn drờm mờ khà priă lài do là 14 rơbô 465 priă.

Khà bơnah rơhiang gơguh 8,35%. Gơwèt mờ cau ngui tus 200 KWh tàm 1 nhai den jăt tơngu me khà priă lài do geh bal priă tă dia là 377 rơbô 575 priă; jăt tơngu me khà priă pa là 409 rơbô 200 priă, den priă gơguh jăt mờ priă lài do mờ priă pa là 31 rơbô 625 priă mờ khà gơguh 8,38% pơn drờm mờ tơngu me khà priă lài do.

-Mơya, jăt ờ uă làng bol yal, tàm mùl màl den priă ồs đèng tàm nhai lài gơguh uă ngan pơn drờm mờ ală nhai lài mờ hơ\, di gơlan uă rơlao mờ khà 8,36%, ồng gơtùi mblàng bè lơi bè broă do?

Ồng Trần Văn Thuận: Bè broă do den geh bàr tơngu me tòm. Tơngu me lài ngan, bè broă ờ ndrờm bal dơ\ ai sră priă ồs đèng tàm nhai 3 mờ nhai 4.

Dơ\ ai sră priă ngui ồs đèng nhai 3 kờp 28 ngai ngui ồs đèng, dơ\ tơl^k sră nhai 4 kờp 31 ngai ngui ồs đèng, ờ ndrờm bal 3 ngai, bè hơ\ priă ngui ồs đèng tàm nhai 4 geh gơguh tai khà priă ngui ồs đèng bơh cau ngui là 10,71%.

Bơta dơ\ 2 là bơta trồ tiah. Trồ tiah lồi nhai 3, bồ nhai 4 mờ tàm nhai 4 tàm càr Dak Lak tơngai duh, mờ tàm do trồ tiah duh bơh 37 tus 40 độ C den lơh khà ngui ồs đèng tài trồ tiah duh gơguh bal sơl.

Jăt broă sền gròi tàm ală ngai trồ tiah duh, Công ty Điện lực Dak Lak sền khà ồs đèng geh tăc tàm 1 ngai trồ tiah duh là 6 tơlăk 980 rơbô kWh tàm 1 ngai, gam di lah pơn drờm mờ ală ngai bè ờs lài mờ hơ\ mìng geh 6,05 tơlăk kWh tàm 1 ngai. Bè hơ\, khà priă gơguh tài trồ tiah duh làng bol ngui ồs đèng gơguh 15,2%.

-Ơi, bè hơ\ kờ tơmù broă tơm priă ngui ồs đèng uă rơlao pơn drờm mờ bè ờs, ồng geh jơnau lơi bơto ai làng bol in?

Ồng Trần Văn Thuận:  Tu\ do, Công ty Điện lực Dak lak neh crăp phan was bơh ngài ai cau ngui ồs đèng in, cau ngui ồs đèng gơtùi sền gròi khà ồs đèng geh ngui pah ngai să tòm dê ha là khà geh ngui pah nhai tàm pang sră tơm priă ồs đèng bơh tàm pang internet: www.cskh.vn. Pang internet do geh tơl^k cau năc geh kờp is priă ngui ồs đèng mờ sền gròi is.

Bơdìh hơ\ tai, tu\ do tàm càr bơta pràn măt tơngai sòl geh lơh  uă rơndăp broă neh ai ngui mờ  uă làng bol neh crăp năng lượng măt tơngai hờ đang rơkàng hìu, den broă do Công ty Điện lực Dak Lak geh kơrnoăt bơto sồr cau ngui mờ geh kơrnoăt lơh broă bal mờ cau blơi ồs đèng, cau ngui ồs đèng ờ ngui jơh geh pờ tơl^k sơlơ\u wơl tus mờ gùng che ồs đèng mờ broă crăp công tơ bàr đah.

Di lah cau ngui ồs đèng kờ` crăp ồs đèng hờ đang rơkàng hìu den Công ty Điện lực Dak Lak geh dong kờl lơh.

-Bè hơ\, ơ ồng, mờ ală jơnau lùp bơh làng bol gơrềng tus mờ khà priă ồs đèng den geh bơsong bè lơi mờ làng bol gơtùi lùp jăt anih lơi?

Ồng Trần Văn Thuận: Tàm broă ngui ồs đèng, ală jơnau kờ` lùp bè priă ngui ồs đèng kung bè khà ồs đèng ngui ha là jơnau kờ` bơh cau ngui dan hòi tus mờ anih sền gròi cau ngui ồs đèng in jăt sồ: 1900 1909 den Công ty Điện lực Dak Lak geh hơ mhar ngan di lah gơtùi, bè hơ\ jơnau lùp bè sră tơm priă ngui ồs đèng gơguh den Công ty geh bơsong tàm dùl ngai mang nàng lơh broă mờ cau ngui loh làng, mờ sền wơl.

-Ơi, dan ưn ngài ồng!

Cau mblàng Ndong Brawl