VOV4.K’ho - Bal mờ broă chồl pràn broă lơh gùt làng bol sền gàr dà lơgar, kuang àng xã Dăk Săk, kơnhoàl Dak Mil, càr Dak Nông lơh jăt broă lơh “Camera sền gàr bơta lơngăp lơngai”, den tàng bơta lơngăp lơngai ờ do ờ dă tàm xã geh sền gàr niam, cau tìs mờ bơta ờ niam mpồl bơtiàn neh gơmù ngan.

Xã Dăk Săk, kơnhoàl Dak Mil, càr Dak Nông geh ù tiah ơnàng, rềp bal mờ ală kơnhoàl Dak Song, Krông Nô. Là tiah tòm geh uă gơl gùng lòt gan, dan tàng xã Dak Săk sùm là tiah kal ke bè bơta lơngăp lơngai ờ do ờ dă. Geh pơnrơ ngan là tiah sơne\ 3 gùng pa, do là tiah tìp bal bơh xã Dăk Săk mờ ală xã Đức Minh, Đức Mạnh, kơnhoàl Dak Mil mờ xã Dak Mol, kơnhoàl Dak Song. Tàm tiah do, ơruh pơnu, kơnòm pa tào sùm tơrgùm bal `ô sa, đì rơndeh noăt jờl, lơh ờ niam tus mờ bơta lơngăp lơngai mpồl bơtiàn.

Kờ` sền gròi [òn lơgar, rơcang sơndră ală bơta tìs, bơdìh mờ broă rơcang lơh ndrờm bal ală broă lơh, mpồl kuang àng xã Dak Săk neh pơlam cấp uỷ Đảng, gơnoar atbồ xã lơh jăt broă “Camera sền gàr bơta lơngăp lơngai” jăt broă lơh gùt mpồl bơtiàn tus bal. Đại uý Phan Văn Thắng, kuang atbồ kuang àng xã Dak Săk, kơnhoàl Dak Mil pà g^t:

-Do là 1 tàm ală broă lơh geh bơcri priă lơh uă ngan. Bơh broă lơh jăt broă do den làng bol ring nùs mờ` kờ` bal, den tàng bol a` neh lơh jăt bal. tàm nhai 10 nam 2017 lài do, den bol a` neh lơh gơs. Lài ngan bol a` neh lơh geh 11 măt gơnrơh camera mờ kờp jơh khà priă lơh gơs 53 tơlăk priă, tàm khà priă geh UBND xã dong kờl 10 tơlăk priă, gam tai làng bol dong kờl 43 tơlăk priă. Tàm broă lơh neh rơlao 4 nhai do, cồng nha cèng wơl uă ngan.

Tơngai do, bơh ală camera geh crăp tàm tiah gơbàn ờ niam uă bè bơta lơngăp lơngai, ờ do ờ dă mpồl bơtiàn, ală broă lơh bơh cau tìs, bơta ờ niam mpồl bơtiàn ndrờm gơbàn gơ\, ku\p di tu\, kơrian ală broă lơh tìs. Kơnờm mờ camera do, mpồl lơh broă geh gơnoar neh go\, ku\p 1 dơ\ kă bro ma tuý, 1 dơ\ kơ`ao phan. Kơnờm mờ rùp geh ku\p bơh camera, neh drơng niam tàm broă lùp khào, bơsong ală dơ\ rề sàr mờ tam tơm tu\ lòt tàm gùng. Kung bơh boă sền gròi bơh camera, mpồl kuang àng neh go\ mờ kơrian di tu\ ală dơ\ tam lơh tàm mpồl bơtiàn bal mờ ală broă lơh tìs mờ adăt boh lam ndai.

Ală tam gơl niam bè bơta lơngăp lơngai kơnòm bơh camera sền gàr bơta lơngăp lơngai cèng wơl neh geh làng bol tàm xã do go\ loh làng ngan. Mò Nguyễn Thị Thuỷ, kis tàm xã Dăk Săk yal:

-Lài do den bơta lơngăp lơngai tàm do kal ke ngan. Tu\ ờ hềt geh broă crăp “camera sền gàr bơta lơngăp lơngai” den roh so kung uă mờ kơ`ao phan kung uă, rơndeh roh kung uă. Bơh tu\ geh crăp camera tus tu\ do đơs ngan là bơta lơngăp lơngai neh niam. Cau blơ\ kung ờ geh tai sơl.

Ồng Đỗ Xuân Cải, Phó Chủ tịch UBND xã Dak Săk đơs tòm, broă crăp “camera sền gàr bơta lơngăp lơngai” geh crăp tàm ờ uă tiah geh kuơ bè bơta lơngă lơngai neh geh cồng nha loh làng ngan. Ală camera lơh broă ngai kung bè mang, bè ală “măt gơnrơh” sùm rơcang go\ mờ prăp wơl ală broă lơh, lơh gơbàn ờ niam tus mờ mpồl bơtiàn, tìs mờ adăt boh lam tàm ờ uă gơl gùng, sơne\ gùng bal mờ [òn ơm kis. Tàm tu\ kes priă ờ uă, mơya geh hòi jà jơh bơh mpồl bơtiàn, den geh bơta niam mờ geh lơh uă tai tàm tơngai tus:

-Bè cồng nha bơh broă lơh do là neh go\ geh ờ uă cau rơcang lơh tìs den neh kơrian di tu\. Bè ală cau rơcang tơrgùm kờ` pơrlòng rơndeh. Ha là ală jơnau pin pơrdah bè kơ`ao phan den đah kuang àng neh kơrian geh ờ uă mpồl tàm xã Dăk Săk, gàr niam ờ do ờ dă bơta lơngăp lơngai kờ` làng bol iang nùs.

Mùl màl pà go\, broă crăp “Camera sền gàr bơta lơngăp lơngai” tàm xã Dăk Săk, kơnhoàl Da Mil, càr Dak Nông neh cèng uă cồng nha loh làng ngan. Bal mờ gùt làng bol sền gàr bơta lơngăp lơngai dà lơgar, broă crăp canera do neh pơgồp bal uă ngan tàm broă gàr niam bơta lơngăp lơngai ờ do ờ dă mpồl bơtiàn tàm xã.

Bơta geh dờp ngan là, tàm tu\ khà priă ờ tơl kờ` lơh broă, den làng bol neh tă is kờ` blơi camera, phan drơng tàm broă sền gàr bơta lơngăp lơngai, ờ do ờ dă mpồl bơtiàn. Bơta do pà go\, làng bol neh g^t uă ngan bè broă bal mờ ală mpồl lơh broă geh gơnoar kờ` sền gàr rài kis lơngăp lơngai tơl hìu nhă mờ gùt mpồl bơtiàn.

Cau mblàng Ndong Brawl