VOV4.K’ho - Mpồl kuang bàng lơh broă bơh Ủy ban Mặt trận Dà lơgar Việt Nam càr Lâm Đồng neh tus còp mờ chờ gờm Phật Đản, Phật lịch 2565 nam 2021 tàm hìu yàng phờk Tổ Đình Linh Quang mờ hìu yàng phờk Linh Sơn ƀòn dờng Dà Làc.

 Tàm ală anih tus còp, Chủ tịch UBMT Dà lơgar Việt Nam càr neh pơyoa jơnau chờ gờm niam bơnĕ ngan tus mờ ală cau kơ đơng yàng, cau jăt yàng phờk dùl kàl Phật đản chờ hờp mờ gơboh gơbài; mờ dờp ală broă lơh pơgồp bal bơh gah jăt yàng phờk, cau jăt yàng phờk tàm broă lơh jăt gùng dà broă lam sồr sơndră mờ kòp Covid-19 tàm càr.

Ala măt ală mpồl cau kơ đơng yàng Phờk càr bal mờ ƀòn dờng Dà Làc neh ưn ngài broă sền gròi, dong kờl bơh UBMT Dà lơgar Việt Nam càr đơs is mờ mpồl lơh broă chính trị bơh càr đơs bal neh sùm ai geh bơta buơn, bơta niam ai cau jăt yàng phờk in ngai sơlơ tơnguh bơtàu pràn kơl dang.

Cau mblàng Ndong Brawl