VOV4.K’ho- Ngai 29/6, tàm Hà Nội, Ủy ban Mặt trận dà lơgar Việt Nam bơyai lơh Pơrjum pờ tơn tàm internet mblàng yal, bơto pơlam bè 2 tơngume gròi sền tàm nam 2021, hơ̆ là: “Gròi sền wă làng bol mờ bơsong lùp lăp, yal yă gơwèt mờ Chủ tịch Ủy ban Nhân dân ală kấp” mờ “Gròi sền kuang bàng, đảng viên mờ broă lơh kuang bàng”.

Tàm dơ̆ lam lơh gròi sền tàm làm gùt lơgar, tơngume gròi sền wă làng bol mờ bơsong broă lùp, yal yă, ală anih lơh broă mặt trận dà lơgar ală kấp dê geh tơrgùm tàm broă gròi sền wă làng bol mờ bơsong broă lùp, yal yă gơwèt mờ Chủ tịch Ủy ban Nhân dân ală kấp tàm làm gùt lơgar. Gơwèt mờ tơngume “Gròi sền kuang bàng, đảng viên mờ broă lơh kuang bàng”, Mặt trận dà lơgar ală kấp geh gròi sền broă lơh jăt ală jơnau sồr bè broă lơh kuang bàng; gròi sền broă lơh jăt ală jơnau sồr bè cih yal, ờ ndơ̆p mpồn jơtài phan bơna gơwèt mờ kuang bàng, công chức, viên chức bơh ală kấp ủy, mpồl Đảng mờ gơnoar ătbồ dê, anih lơh broă sră pơ àr Dà lơgar ală kấp; gròi sền kuang bàng, đảng viên tàm tiah ơm kis...

 Cau mblàng Lơ Mu K’Yến