VOV4.K’ho - Tàm tiah tàm gùl Tây Nguyên, geh gàr gùt dar mờ uă bơnơm dờng, lài do càr Dak Lak ờ geh tus mờ ală bơta mìu càl dờng. Mơya, mìng mìu càl dờng sồ 12, broă lơh sa suơn sre, brê bơnơm càr Dak Lak gơbàn hoàc huơr uă.

Uă dòr bơnơm chi brê tam gơbàn pă, tiah tam tào uă ngan càr Dak Lak gơbàn gơpừ jơh. Tiêu, phan tam geh khà priă bơcri uă ngan tàm broă lơh sa suơn sre càr Dak Lak dê kung gơbàn sơl. Lơh bè lơi kờ` tơnguh wơl broă lơh sa gam là jơnau lùp dờng màng ngan tus mờ làng bol bal mờ gơnoar atbồ tàm càr Dak Lak.

Jơnau yal mùl màl do tàm kơnhoàl Mdrak, do là kơnhoàl geh tam uă ngan tào, tam chi brê mờ kung là kơnhoàl gơbàn uă bơh mìu càl dờng sồ 12 lơh aniai pa do.

Dùl ngai tơnơ\ mờ mìu càl dờng sồ 12, g^t nđờ 10 nă cau geh bal cau ùr mờ ơruh pơnu tàm [òn Thi, xã Ea Trang, kơnhoàl Mdrak, càr Dak Lak tus bal dong kờl lo\ H’ Ju\ Niê lơh wơl hìu neh gơbàn mìu càl dờng lơh aniai.

Lo\ H’ Ju\ Niê pà g^t, mìu càl dờng ờ mìng lơh lo\ gơbàn roh hìu bal mờ phan bơna, mờ ală phan ròng tàm hìu nhă lo\ kung gơbàn dà cò pơrdô jơh sơl:

-Hìu roh sur roh so roh jơh iar ơda. Lòt jòi sùm jơh ngai do kung gam ờ hềt go\ sơl. Tài dà tih cò pơrdô jơh bloh.

Jơnau bè broă gơbàn hoàc huơr tàm mìu càl dờng sồ 12 geh uă ngan làng bol tàm [òn Thi sền gròi. Làng bol pà g^t, mìu càl dờng ờ hềt tu\ lơi geh neh pơrdô jơh ală phan tam tàm dòr bơnơm, tàm suơn tàm mìr mờ uă ngan phan ròng tàm wàng.

Tơngai tus, làng bol ờ gam geh phan lơi tai kờ` gàr rài kis hìu nhă. Geh bal ală dòr tòm keo hòn gơs gùt dar [òn kung neh gơbàn mìu càl dờng lơh aniai jơh:

-Hìu a` sen kơnrồ gơbàn dà bam mờ chơ\t. Iar, sur ngai òr nao kung neh gơbàn pơrdô jơh. Kòi ờ thàn tơwès neh gơbam tàm dà kung dà cò pơrdô roh jơh tơn. Chi kèo di gơbàn pă tơl, gơlơh bè cau sreh. Tu\ do lòt lơh broă tàm suơn tàm mìr moăt ngan ờ g^t lơh bè lơi kờ` tơnguh wơl broă lơh sa.

Mờ bơngă lam lài ngan càr Dak Lak dê bè lơh sa brê bơnơm, mờ bă ù brê tam rơlao 14 rơbô lồ, kơnhoàl Mdrak gam là tiah geh tam tào uă ngan càr Dak Lak dê, mờ 7 rơbô lồ, ai tào hìu măy sơdàng Dak Nông, hìu măy sơdàng 333, kơnhoàl Ea Kar, càr Dak Lak bal mờ 1 bơnah ai càr Khánh Hoà in.

Nhai 12 tus, kàl tơrdih tào 2017-2018 geh mu\t lơh, mơya mìu càl dờng sồ 12 neh lơh aniai jơh cồng nha broă lơh sa mờr geh tơnhào làng bol dê, tu\ ală suơn tào gơbàn pă, gơpừ geh bơh 60 tus 80%.

Ồng Trần Minh Long, kis tàm [òn Ea Tê, xã Krông Jing, kơnhoàl Mdrak moăt jrùng đơs:

-Hoàc huơr uă ngan. Den, mìu, càl bè do lơh gơpừ jơh ờ gam geh tai. Mờ neh gơpừ den gơbàn tu, đe sa. Tào gam ntào mờ kung gơbàn đe sa, tơ-ài lah tòm tào neh gơpừ bè do. Hoàc huơr pal tus bơh 60 tus 70%, ờ go\ ờ uă ờ. Hơ\ sồng gam kal ke bè broă tơnhào, koh tào tai. Nam do, làng bol lơh sa suơn sre glar bòl ngan…

Den ồng Y Tăng Niê, Chủ tịch UBND xã Krông Jing, kơnhoàl Mdrak đơs tòm, bă ù tam tào tàm xã gơbàn pă gơpừ là 100%:

-Ờ hềt kờp mờ mìng sền kung go\ 100% khà bă ù tam tào là gơbàn gơpừ jơh, bè hơ\ lơh gơbàn aniai uă ngan tus mờ cồng nha bal mờ khà geh, tài neh gơpừ jơh bloh.

Mìu càl dờng sồ 12 neh rơlao, mơya khà kờp hoàc huơr bè broă lơh sa suơn sre bè jo\ jòng tàm kơnhoàl Mdrak là ờ hềt gơtùi was kờp jơh. Jăt ồng Hoà Quang Khiêm, Chủ tịch UBND kơnhoàl Mdrak yal, mìu càl dờng sồ 12 neh lơh aniai uă ngan mờ ờ hềt tu\ lơi geh tàm broă lơh sa suơn sre kơnhoàl dê:

-Do là dơ\ gơbàn aniai dờng màng ngan tus mờ broă lơh tào làng bol dê tàm kơnhoàl Mdrak do. Bal mờ tào den tu\ do bă ù tam tiên gam tàm tơngai geh plai kung gơbàn gơpừ uă ngan sơl. Bol a` geh ală broă lơh kờ` kờp nền nòn, mơya di gơlan là gơbàn aniai uă ngan tus mờ rài kis bal mờ broă lơh sa làng bol dê.

Jăt kuang bàng đơng lam UBND kơnhoàl Mdrak yal, hoàc huơr bè broă lơh sa suơn sre tàm kơnhoàl do dê là uă ngan mờ ờ gơtùi kờ` tơnguh wơl geh cồng nha. Mìng is mờ tào neh mờr tus kàl tơnhào, kơnhoàl geh lơh broă mờ ală anih lơh sa kă bro tào sơdàng kờ` bơ\t bơtàu tơngai tơnhào tào di pal mờ bơta tu\ do, lam sồr anih lơh sa kă bro tam pà bal hoàc huơr tài mìu càl dờng kờ` tơmù kal ke tus mờ làng bol in.

Cau cih mờ yal tơng^t Ndong Brawl