VOV4.K’ho- Mìu sùm tàm ală ngai do neh lơh tơrlah, nchùn 2, 3 gơl gùng mờ ngơr bam uă tàm càr Dăk Nông. Mùl màl, tàm kơnhoàl Krông Nô, gùng càr 4B gơl lòt gan xã Quảng Phú sùm geh uă anih tơrlah tàm ală bơnơm đah taluy hơđang bơnơm, pơhìn lơh aniai tus ờdo ờdă gùng lòt. Gùng dờng 28, gơl lòt gan thôn Phú Thuận, xã Quảng Phú gơtìp dà ngơr băm jrô ngan. Dà kŏ dà cò gơguh tih jơnhua kung lơh ngơr băm tiah rbàng ƀă gan dà croh Dăk Sôr, xã Nam Xuân.

Dùl anih tơrlah tàm gùng lòt tus ală xã Dăk Som, Dăk Rmăng, kơnhoàl Dăk Glong

Tàm kơnhoàl Dăk Glong, tàm gơl gùng lòt ală xã Dăk Som tus xã Dăk Rmăng, gơl lòt gan ƀòn B’Dơng, xã Dăk Som gơtìp tơrlah jòng 60 thơk. Broă nchùn ù gơlik geh kal ke mờ digơlan gam pơn jat tai gơlik geh. Tàm ală tiah ngơr bam, tơrlah ù, ală tiah tàm càr Dăk Nông neh tồt ƀàng đơs lài ngòt rơngơt, sồr cau lơh broă rơcang lài kờp sền ală tiah geh jơnau pơhìn gơtìp ngơr băm, dà kŏ dà cò, rơcang lài rơndap broă ntrờn làng bol nàng gàr ờdo ờdă.

Cau mblàng K’Duẩn