VOV4.K’ho- Mìu dờng jŏ jòng tàm ală ngai do neh lơh uă tiah tàm ù tiah càr Lâm Đồng dê gơtìp ngơr bam jrô tàm dà. Tàm xã Hiệp An, kơnhoàl Đức Trọng, mìu dờng jŏ jòng, dà bơh bồ tô dà gơguh tih hòr uă ngan lơh ală thôn Định An, K’Rèn, K’Long mờ Tân An gơtìp ngơr bam jrô tàm dà. Tài bơh dà gơguh tih uă bơh 1 tus 1 thơk nggùl den uă bă tiah tam biăp, phan tam lơyah ngai bơh làng bol dê tàm tiah do gơtìp ngơr bam jrô tàm dà.

Mìu dờng, dà bơh bồ tô dà tuh rê uă ngan lơh xã Hiệp An, kơnhoàl Đức Trọng gơtìp ngơr bam dà

Ờ mìng tàm xã Hiệp An lơm, mìu dờng jŏ jòng tàm uă tiah neh lơh dà tàm dà dờng Cam Ly gơguh tih uă mờ lơh gơbàn ngơr bam jơh xã Hiệp An, kơnhoàl Đức Trọng mờ bàr pe tiah tàm kơnhoàl Lâm Hà. Tềng đap bơta gơlik geh kal ke bơh trồ tiah dê, Cơldŭ lơh broă sùm Mpồl đơng lam dà lơgar bè rcang sơndră trồ tiah lơh aniai neh geh jơnau yal pơyoa tus Mpồl đơng lam rcang sơndră trồ tiah lơh aniai mờ lòt jòi dong kờl rềs àr càr Lâm Đồng bè broă sơndră wơl mờ jơnau dà kŏ dà cò tàm tiah dà dờng Cam Ly; lam lơh gùng dà broă lơh ntrờn làng bol lik bơh ală tiah ngơr bam jrô dà, ngòt rơngơ̆t tus tiah ơm ờdo ờdă.

Cau mblàng K’Hạnh