VOV4.K’ho- Tàm ală ngai pa do, tàm ù tiah càr Dăk Lăk neh geh mìu dờng lơh gơbàn ngơr bam jrô dà lơh hoàc hươr tàm ală kơnhoàl: M’Drak, Ea Kar, Krông Bông mờ Krông Năng. Jăt tơrgùm kờp bơh sơnrơp, dơ̆ mìu do neh lơh gĭt nđờ rhiang lồ phan tam, tơnau dà ròng tam phan tàm dà gơtìp hoàc hươr, uă gùng lòt tàm ală kơnhoàl: M’Drak, Krông Bông, Krông Năng gơtìp ờdiơng uă ngan.

Jơnau yal tơngkah lài mìu càl rbŭt dờng pơhìn ngòt rơngơ̆t tàm Dăk Lăk

Mìng is kơnhoàl M’Drak mìu dờng neh lơh dùl nă cau chơ̆t, dùl nă cau roh thĭt. Tŭ do, gơnoar ătbồ ală tiah gam tơrgùm jơh ală bơta pràn, mpồl cau bơsong jơnau gơlời wơl bơh trồ tiah lơh aniai. Yal lài trồ tiah gam gơbàn kal ke, ờ gơtùi gĭt lài den tàng bè hơ̆, Ủy ƀan Nhân dân càr Dăk Lăk sồr ală tiah mờ làng bol tàm càr pơn jăt tai rơcăng lài lam lơh ală gùng dà broă lơh sơndră wơl, tơrmù ƀà hoàc hươr tài bơh trồ tiah lơh aniai.

Cau mblàng Lơ Mu K’Yến