VOV4.K’ho - Jơnau yal tơnggit bơh Ban đơng pơlam rcang sơndra\ trồ tiah aniai mờ jòi cau rềs àr càr Kon Tum, mìu dờng, dà tih tàm ala\ ngai do neh lơh hoàc hươr bè phan bơna, hìu đam mờ màng kis bơh làng bol. Nền nòn bè tàm kơnhòal Ia H’ Drai geh 15 hìu làng bol gơbàn aniai. Kơnhòal Tu Mơ Rông pal ntrờn mo 70 hìu làng bol lik bơh tiah ngòt rngơt. Kơnhòal Sa Thầy geh 686 lồ phan tam mờ chi tam jo\ nam gơbàn ngơr bam  tàm dà, dà cò…

Hòac hươr kơnjơ\ ngan la bơh mìu dờng dà cò tàm càr Kon Tum tus mờ gùng lòt mờ bơtơt rbòng dà. 2 gùng dờng 40B mờ 24 tơrbo\ 2 càr Quảng Nam, Quảng Ngãi neh geh git nđờ jơt anih tơrlah ù lơh gơ kòl gùng, gơ kòl gùng lòt. Kờp du\ hòac hươr bơh sơnrờp  ai go\ broa\ lơh niam wơl bơh hòac hươr tài mìu dờng dà tih mìng is mờ gùng lòt, bơtơt rbòng dà càr Kon Tum kờ` tus git nđờ jơt tơmàn pria\. Jat cih dờp bơh Ban rcang sơndra\ trồ tiah lơh aniai mờ jòi cau gơbàn rềs àr càr Kon Tum, mìu dờng tàm ala\ ngai do neh lơh 2 na\ cau chơt tàm kơnhòal Ngọc Hồi. tàm hơ\ geh dùl na\ cau la bi Blong Lạ 27 sơnam kis tàm [òn Tà Pooc, xã Dak Nông gơbàn dà pơrdô tàm dà dờng Pô Kô bơh ngai 15/8 tus tu\ do gam ờ hềt jòi go\ bồc.

Cau mblàng K’ Brọp