VOV4.K’ho- Di dơ\ tơngkah 71 nam Ngai Cau ling sồt să- Cau ling chơ\t màng, mho òr (25/7), tàm Hà Nội, mò Nguyễn Thị Kim Ngân, Chủ tịch Quốc hội Việt Nam lòt còp mờ lơh broă mờ kuang bàng, cau lơh broă tàm Trung tâm prăp gàr Dà lơgar III, Cục Văn thư mờ prăp gàr, gơ wèt Bộ Nội vụ.

Tàm dơ\ lơh broă, mò Nguyễn Thị Kim Ngân đơs niam ngan broă lơh prăp gàr bơh Trung tâm prăp gàr Dà lơgar III dê, gơ wèt Cục Văn thư mờ prăp gàr neh sền gàr gam wơl bè ờs  ală sră nggal, rùp hin, phan lời kir, bơta kir sơnrai bơh ală kuang bàng lòt B dê (Lòt tam lơh tàm tiah đah jum dà lơgar).

Do là ală phan bơna dờng màng ngan. Mò đơs là, ală phan lời kir, sră nggal do kung gam ờ hềt geh gal làng bol gi\t, den tàng bè hơ\, mò Nguyễn Thị Kim Ngân sồr Bộ Lao động, Thương binh mờ Xã hội bal mờ Bộ Nội vụ cribơyai bal nàng ai 72 rbô sră nggal bơh kuang bàng lòt B dê yal tơngi\t tàm internet bơh Bộ Lao động, Thương binh mờ Xã hội dê drơng làng bol in tàm broă lơh lòt jòi.

Mò đơs uă, nàng jơnau prăp gàr tus geh mờ làng bol, ală anih lơh báo pal mblàng yal nàng bơto bơtê bơhiàn ai cau kơnòm să in; mơkung yal tơngi\t làm uă tus mờ cau pròc mhàm tờm bơh ală cau ling chơ\t màng, kuang bàng lòt B dê jòi sră pơ àr, phan lời kir gơtìp lời roh hi\u.

Cau mblàng Lơ Mu K’Yến