VOV4.K’ho- Pơn jat tai dơ\ lòt lơh broă tàm ală càr Tây Nguyên, mho òr 29/6, mò Tòng Thị Phóng, Phó Chủ tịch thường trực Quốc hội Việt Nam bal mờ mpồl lơh broă bơh Kes priă Kơnòm dềt Liên hợp quốc dê-UNICEF lòt còp mờ lơh broă tàm xã Ayun, kơnhoàl Mang Yang, càr Gia Lai bè broă sền gàr pràn kơldang să jan phan sa bơkah tơl pràn, sền gàr kơnòm dềt, bơto bơtê mờ bơtàu tơnguh kơnòm dềt làm tơl mờ ală bơta.

Mò Tòng Thị Phóng còp pơnđờm pơnđiang kơnòm dềt xã Ayun, càr Gia Lai

Tàm do, mò Tòng Thị Phóng jờng rơ ngan broă lơh sền gàr pràn kơldang să jan làng bol in đơs bal mờ broă lơh sền gàr pràn kơldang să jan cau mè mờ kơnòm dềt in bơh xã dê đơs is.

Ală broă lơh sền gàr pràn kơldang să jan ai cau mè, mờ kơnòm dềt in neh geh rề ơnàng, lơh niam uă. Tàm hơ\, pal sền ngac ngan là 6 nhai bồ nam do, xã ờ geh chơ\t cau mè, ờ geh bơta gơ aniai bè gah kòp đah cau ùr mờ ờ geh kòn se pa deh gơtìp chơ\t tài bơh kòp tu\ tơl.

Mơya, mò sồr tiah do pal sền gròi lơh broă lơh sền gàr pràn kơldang să jan tàm [òn lơgar; hòi jà ròng kòn mờ dà toh mè; sơlơ tơnguh tai broă lơh tàm pơdar bác sĩ rê lơh broă tàm hìu sơnơm xã. Kuơmàng là broă lơh mblàng yal bè ci\t sơnơm rơcang sơndră kòp mờ broă lơh mblàng yal bè kloh niam tiah ơm kis.

Cau mblàng Lơ Mu K’Yến