VOV4.K’ho- Ai tàm càr Lâm Đồng, mò Trương Thị Mai - Ủy viên Bộ Chính trị, Bí thư  Đảng Dà lơgar, Trưởng Ban lam sồr làng bol dà lơgar bal mờ Mpồl kuang bàng Quốc hội càr Lâm Đồng neh geh dơ\ tìp mat mờ cau te\ khà tàm xã Phi Liêng, kơnhoàl Dam Rong mờ Cụm xã Tân Văn, kơnhoàl Lâm Hà.

Tàm dơ\ tìp mat, cau te\ khà xã Phi Liêng neh đơs bè broă mus brê tàm tiah do; Gùng rơndeh dờng 27 gơtìp ờ niam te\ uă ngan; bơta dong kờl bơh cau ling sồt să, cau ling kòp tê jê să dê, cau geh màng mờ dà lơgar dê gam uă bơta ờ hềt niam; bơta làng bol ntrờ` ơm kis bơdìh mờ broă rơndăp lơh; broă lơh ai oh kòn làng bol kòn cau in tơnơ\ tu\ lik bơsram…

Đơs tàm ală dơ\ tìp mat, mò Trương Thị Mai jàu ală gah lơh broă geh gơrềng in bal mờ gơnoar atbồ tiah do iat kơno nàng geh gùng dà bơsong jat di gơnoar broă. Ală jơnau dan gơ wèt Dà lơgar, Mpồl kuang bàng geh tơrgùm jơh mờ yal wơl mờ Ủy ban Thường vụ Quốc hội in tàm dơ\ pơrjum tus.

Cau mblàng Lơ Mu K’Yến