VOV4.K’ho – Ngai òr (18/6), mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ Ban Dân vận dà lơgar bal mờ ală kuang bàng Quốc hội càr Lâm Đồng neh tìp mat cau te\ khà tàm xã Lát, kơnhoàl Lạc Dương mờ xã Ka Đơn, kơnhoàl Đơn Dương (càr Lâm Đồng).

Tơnơ\ tu\ iat Mpồl kuang bàng Quốc hội càr Lâm Đồng yal dùl êt bè cồng nha pơrjum dơ\ 5, Quốc hội khoá 14, cau te\ khà Lâm Đồng neh ai go\ bơta pin dờn mờ đơs niam bơta lơh broă jơh nùs, geh kơnòl bơh Quốc hội dê tàm dơ\ pơrjum. Cau te\ khà kung dan ală bơta gam ờ suk tàm mpồl bơtiàn bè broă lơh sră ngui ù gam lơỳai; pơn jat tai sền gròi bơcri lơh phan bơna bè gùng lòt, gùng che đèng; atbồ niam sơntìl chi tam mờ phan ngui tàm broă lơh sa suơn sre; sơlơ ai càn priă dong kờl priă cồng nàng drơng broă lơh sa suơn sre ngui công nghệ cao in; sơlơ tơnguh rlau tai ală bơta tam klac mờ blơi phan lơh gơs bơh suơn sre làng bol in…. Cau te\ khà kung sồr, pal sơlơ atbồ sền gàr brê bơsong bơta mus kơl brê, sơ gràm ù brê mờ tơnhàu phan kuơ tàm ù tìs mờ adat boh lam tàm càr.