VOV4.K’ho-  Cục Kảnh sát gùng lòt pà gĭt, tàm 4 ngai ơm rlô (2/9) mpồl lơh broă Kảng sát gùng lòt gùt lơgar neh lơh glài mờr 11 rơbô nă cau lơh tìs bơta rơndap tap sèng ờdo ờdă gùng lòt. Tàm hơ̆ geh 244 nă cau lơh tìs măy rơndeh ñô bièr, ơlak. Tàm 4 ngai ơm rlô 2/9, gùt lơgar gơlik geh 57 dơ̆ rềs àr gùng lòt lơh chơ̆t 24 nă cau, sồt să 39 nă. Bơh broă lơh lòt sền, gròi sền, lơh glài lơh tìs, Kảnh sát gùng lòt gùt lơgar neh lòt sền, sền gŏ mờ lơh glài mờr 11 rơbô nă cau lơh tìs; lơh glài mờ priă rlau 7 tơmàn 400 tơlak đong.

Tơngai tus, mpồl Kảnh sát gùng lòt pơn jat tai tơnguh broă lơh pơgồp bal lòt sền gĭt loh bơta lơh jat broă lơh lơh broă bơh gah rơndeh ồs dê. Gròi sền niam ờ lời cau mut ờm tàm rơndeh ồs bơh tiah kòp rê tàm ƀòn tờm lơh roh bơta rơndap tap sèng, ờdo ờdă gùng lòt,  rơndap tap sèng mpồl bơtiàn, mơkung ai tơl bơta ƀuơn ai ală rơndeh gơwèt “gùng ai lòt” pơn diang phan in, gàr niam gùng lòt rê phan diang phan bơna.

Cau mblàng K’Hạnh