VOV4.K’ho- Tàm dơ̆ pơrjum dơ̆ 20 bơh Mpồl đơng lam dà lơgar bè rơcăng sơndră sa kuề sa kuà geh lơh tàm ngai 05/8, ồng Phan Đình Trạc- Ủy viên Bộ Chính trị, Bí thư Đảng dà lơgar, Kuang ătbồ Ban Nội chính dà lơgar pà gĭt, bơh bồ nam tus tŭ do, kấp ủy, Ủy ban Sền swì ală kấp neh lơh glài rlau 70 mpồl đảng, rlau 8 rbô nă đảng viên lơh tìs, tàm hơ̆ geh mờr 180 nă đảng viên gơtìp lơh glài tài bơh sa kuề sa kuà, kơldang bồ lơh tìs mờ rlau 20 nă đảng viên gơtìp lơh glài tài bơh lơh tìs cih yal jơtài, phan bơna, priă lơh geh.

Ồng Phan Đình Trạc- Kuang ătbồ Ban Nội chính dà lơgar yal

Bơh lơh broă lùp sền, lòt sền dơlam is mờ bơsong lùp khàu yal yă, gah Lùp sền neh gŏ, bơsong 20 dơ̆, 35 nă cau sa kuề sa kuà mờ geh gơrềng tus sa kuề sa kuà. Kuơmàng, broă lùp khàu, yal yă, cah rña ală dơ̆ lơh tìs sa kuề sa kuà, lơh sa geh tơrgùm đơng lam, sồr lơh kràñ cê jơh nùs, yal yă pa uă dơ̆ lơh tìs, uă cau lơh tìs, tàm hơ̆ geh uă cau lơh tìs là kuang bàng kấp dờng màng, lơh jăt di nùs nhơm đơng lam bơh ồng Nguyễn Phú Trọng- Tổng Bí thư mơkung là Kuang ătbồ Mpồl đơng lam dà lơgar rơcăng sơndră kuề sa kuà dê, hơ̆ là “ờ geh tiah kơryan, ờ geh tiah ơm bơdìh”.

Cau mblàng Lơ Mu K’Yến