VOV4.K’ho - Kông ty điện lực Dăk Lăk pơgồp bal mờ Mpồl chữ thật đỏ bơyai lơh ai mhàm dong kờl “Poh phồng EVN dơ̆ 7” mòi jà geh mờr 200 nă cau tus bal. Ai mhàm dong kờl là broă lơh niam pah nam bơh gah lơh ồs đèng dê.

                                             Ai mhàm dong kờl tàm càr Dăk Lăk

Broă lơh do sơlơ geh kuơ tàm bơta nam do kòp Kovid-19, khà mhàm ờ tơl uă ngan nàng drơng tàm broă sơm kòp, cau kòp in. Tus bal ai mhàm dong kờl tàm tŭ kòp Kovid-19 gam gơtìp kal ke tàm càr Dăk Lăk, ală cau ndrờm lơh jăt niam nền nòn ală kơrnoăt tàm broă rơcang sơndră mờ kòp gơtờp. Dơ̆ ai mhàm dong kờl do neh geh mờr 200 nă kuang bàng, cau lơh broă gah lơh sồs đèng tàm càr Dăk Lăk tus bal ai geh 168 kơl dung mhàm.

Cau mblàng Ndong Brawl