VOV4.K’ho- Ngai 16/09, tàm Hà Nội, Mpồl Chủ tịch Ủy ban Mặt trận dà lơgar Việt Nam bơyai lơh broă lơh pơn jăt tai dơ̆ hòi jà “Jơh gùt làng bol tam klăc, ai jơh pràn rơcăng sơndră kòp Covid-19”.

Chủ tịch Ủy ban Mặt trận dà lơgar Việt Nam hòi jà tă pơgồp dong kờl broă lơh rơcăng sơndră kòp Covid-19

Mpồl Chủ tịch Ủy ban Mặt trận dà lơgar Việt Nam hòi jà jơh ală kuang bàng, công chức, viên chức, cau lơh broă, cau ling ală mpồl phàu crong; ală cau lơh sa kă bro, mpồl lơh sa kă bro gơwèt jơh ală bơnah lơh sa; ală mpồl dunia, cau Việt Nam tàm lơgar ndai; ală rơnàng làng bol...lơh jăt niam nùs nhơm tam klăc dờng jơi bơtiàn, dong kờl priă tă lơh, phan bơna ngui gah lơh sơnơm in, phan sa, biăp, puăc ka mờ phan ngui sa kờñ pal geh...ai broă lơh rơcăng sơndră kòp in. Tàm dơ̆ bơyai lơh hòi jà tơn, neh dờp geh bơta dong kờl mờ cih mat dan dong kờl bơh rlau 30 mpồl cau, mpồl lơh sa kă bro, cau dùl nă să is dê mờ kờp jơh priă mat mờ phan bơna kờp mờ priă là rlau 290 tơmàn đong.

Cau mblàng Lơ Mu K’Yến