VOV4.K’ho- Mho ngai 21/5, Mpồl duh broă tĕ khà dà lơgar neh bơyai lơh pơrjum băo, yal tai bàr pe jơnau yal bè broă rcang ai ngai tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026.

Tàm dơ̆ pơrjum băo, ala mat Mpồl duh broă tĕ khà dà lơgar pà gĭt, tus tŭ do ală broă rcang ai ngai  tĕ khà in sền bal là neh lơh sir, gàr di tŭ tơngai, rcang ai ngai tĕ khà in. Tàm 16 càr, ƀòn dờng gùt lơgar geh lơh jat dơ̆ tĕ khà gờñ tàm bàr pe tiah, broă lơh tĕ khà ndrờm geh bơyai lơh ờdo ờdă, di mờ adat boh lam.

Ala mat Mpồl duh broă tĕ khà dà lơgar kung pà gĭt, gùt lơgar geh rlau 69 tơlak nă cau tĕ khà lòt tĕ khà tàm mờr 85 rơbô tiah đùh sră. Tŭ do, ală broă lơh mờ gùng dà broă lơh nàng kờñ gàr niam geh cồng nha ngai tĕ khà in, gàr niam gơnoar bơh cau tĕ khà dê, ngan là tàm ală tiah gam gơtìp kal ke tài bơh trồ tiah lơh aniai, bơta kòp, geh uă cau pal lơh jat broă lơh ơm yah ngài kung neh geh rcang niam ngan.

Cau mblàng K’Hạnh