VOV4.K’ho - Tềng đăp mờ ală broă gơrềng bal bơh kòp Covid-19 tus mờ rài kis bơh uă hìu làng bol tàm tiah kòn cau, tiah sar, lơgar ngài, Mpồl cau ùr Kuang àng càr Dak Lak neh bal mờ ală mpồl lơh broă ndai lơh gơs kơnòl tòm mờ lơh jăt uă broă lơh nùs nhơm dong kờl, dong kờl làng bol rơ[ah sơrlèt mờ kal ke.

Broă lơh bơh mpồl cau ùr Kuang àng càr Dak Lak neh pơgồp bal tàm broă tơnguh tai rùp rài niam bơh cau ling kuang àng làng bol tàm nùs nhơm làng bol [òn lơgar.

Dờp phan pà geh Mpồl cau ùr kuang àng càr Dak Lak pơgồp bal mờ ală mpồl dong kờl jào pà tàm xã, lo\ Nguyễn Thị Hằng, kis tàm xã Cư\ Né, kơnhoàl Krông Buk, càr Dak Lak ngoh rơngăc ngan.

   Mờ broă tus bal bơh Mpồl cau ùr kuang àng càr Dak lak, 19 tấn phe neh tus mờ ală làng bol rơ[ah

Lo\ Hằng pà g^t, hìu nhă lo\ gơwèt hìu rơ[ah, ờ geh ù lơh sa den tàng pal lơh broă ơpah kờ` geh priă drơng tàm rài kis. Ală ngai do, tài gơbàn bơh kòp Covid-19 mờ lơh jăt Chỉ thị bè broă tam cah ngài mpồl bơtiàn, ờ geh broă lơh den tàng lo\ ờ geh priă, neh ờ tơl phan sa den tu\ do sơlơ ờ tơl uă ngan.

Geh ală cau geh nùs nhơm niam tus tàm xã pà 10 k^ phe mờ ờ uă bơta phan ndai bè [ung mi, dà tơngi, lo\ chờ hờp ngan tài 2 nă mè mờ kòn lo\ ờ ngòt ờ tơl sa tai tus tàm tu\ geh broă lơh wơl.

-Tu\ do gam tàm tu\ kal ke tài ờ gơtùi lòt lơh broă tài gam gơtìp kòp, bơklao kung lòt lơh broă ngài ờ tòm tàm hìu. Tàm do tơngai kòp gơtòp den tàng cau kung ờ ơpah lơh broă den tàng ờ geh priă. Geh 10 k^ phe bơh mpồl cau, xã pà là kuơ màng ngan tàm ală ngai, nhai ờ hềt geh broă lòt lơh.

Bal mờ lo\ Nguyễn Thị Hằng, tàm dơ\ do geh mờr 500 hìu rơ[ah mờ ndrờm mờ rơ[ah, 100 hìu cau geh màng mờ dà lơgar mờ rơlao 300 nă cau gơwèt cau geh broă dong kờl bơh mpồl bơtiàn tàm xã Cư\ Né, kơnhoàl Krông Buk geh dờp phe sa bơh broă pà phe dong kờl làng bol rơ[ah rơcang sơndră mờ kòp Covid-19.

Mờr 6 tấn phe pà ai làng bol in là cồng nha bơh broă lam sồr bơh Mpồl cau ùr Kuang àng càr Dak Lak pơgồp bal mờ anih lơh broă ala măt [ăo Tiền Phong tàm Tây Nguyên lơh jăt mờ broă lơh bal bơh 20 mpồl lơh broă dong kờl. Thiếu tá Y Linh Mlô, Phó kuang atbồ anih Cảnh sát sền gàr gùng lòt kơnhoàl Krông Buk, kuang àng càr Dak Lak tus bal mờ broă lơh do pà g^t:

-Lơh jăt jơnau hòi jà bơh Mpồl cau ùr Kuang àng càr Dak Lak den anih lơh broă Cảnh sát sền gàr gùng lòt kơnhoàl Krông Buk, oh mi kuang bàng, cau ling tàm anih lơh broă neh tă pơgồp priă blơi phe, lơh jăt broă pơgồp bal mờ Mpồl cau ùr Kuang àng càr mờ [ăo Tiền Phong tus pà làng bol in.

Ờ mìng pà phe sa làng bol in, tàm dơ\ do, Mpồl cau ùr kuang àng càr gam lam sồr crăp pà dùl broă lơh dà sàng kloh geh măi [ồm, sơtèk đơ dà 2 rơbô l^t mờ măi jồr dà pràn 50 l^t dà pah jơ, ai tơl dà ngui sa di pơgăp 500 nă làng bol tàm xã Cư\ Né in. Do là bơta chờ dờng màng ngan gơwèt mờ làng bol, tàm hơ\ uă ngan là tàm tu\ trồ prang gam gơbàn kal ke, dà ngui sa tàm uă tiah ờ tơl uă ngan.

                   Cau ùr kuang àng càr dong kờl crăp pà măi jồr dà tàm xã Cư\ Né, kơnhoàl Krông Buk

Bal mờ broă lơh niam broă tòm, tàm rơlao 1 nhai do, Mpồl cau ùr kuang àng càr Dak Lak neh chồl pràn ală broă lơh nùs nhơm dong kờl tài mpồl bơtiàn, tus bal rơcang sơndră mờ kòp Covid-19.

Tàm hơ\, neh lam sồr geh 150 tơlăk đong kờ` blơi pà 3 rơbô nơm chèo gòm muh măt sơndră mờ vi khuẩn, 5 rơbô khàr dà rào tê lơh kloh vi khuẩn mờ 200 nơm krơh gàr muh măt ai mpồl lơh broă rơcang sơndră mờ kòp in. Mpồl kung lam sồr tă geh 19 tấn phe pà cau koe\t kơl te, cau gơtìp kal ke tàm ală xã tiah ngài gơwèt ală kơnhoàl Cư\ Mgar, Buôn Đôn, Krông Păc mờ Krông Buk in.

Thiếu tá Nguyễn Thị Thu, Chủ tịch Mpồl cau ùr Kuang àng càr Dak Lak đơs là, ală broă lơh geh lơh jăt neh geh bơta dờp bal pràn ngan tàm mpồl bơtiàn, bơh tu\ hơ\ mùl màl geh dong kờl ai ală cau geh rài kis kal ke sơrlèt mờ tơngai kal ke tài gơrềng bơh kòp lơh gơbàn.

-Mpồl cau ùr Kuang àng càr neh lơh niam broă lam sồr, mờ neh bơyai lơh hòi jà, lam sồr ală cau geh nùs nhơm niam kung bè ală cau, ală mpồl lơh broă geh nùs nhơm niam tă pơgồp, dong kờl rơcang sơndră mờ kòp.

Gơtùi đơs là broă lơh bơh bol a` neh ai geh bơta dờp bal, geh ală cấp, ală oh mi mờ kuơ màng geh ală kuang bàng đơng lam càr kung bè kuang đơng lam kuang àng càr kờ` bal. Mờ bol a` neh ai geh dùl bơta dờp bal niam tàm làng bol mờ tơl^k geh là, hơ\ là broă tus bal, broă lơh ngan, ring nùs bal bơh ală mpồl lơh broă chính trị mờ tàm hơ\ mpồl kuang àng làng bol geh bơh làng bol dê. Den tàng, ală broă lơh bơh bol a` lơh ndrờm tài bơta ring niam mờ gơboh gơbài làng bol in.

Ală broă lơh mùl màl, geh kuơ bơh ală cấp Mpồl cau ùr Kuang àng càr tàm tơngai do neh dờp geh broă sền gròi, ring nùs bal, kờ` bal bơh ală mpồl cau ùr tàm ală tiah mờ ai geh broă dờp bal tàm mpồl bơtiàn.

Ờ mìng pơgồp bal mờ gùt lơgar kơrian kòp gơtòp, lơh jăt broă lơh rài kis lơh broă sa mpồl bơtiàn, ală broă lơh bơh mpồl dê gam pơgồp bal lơh niam rơlao tai rùp rài cau ling kuang àng Làng bol tàm nùs nhơm làng bol.

Cau mblàng Ndong Brawl