VOV.K’ho-Geh crơng gơs pơgăp mờ do rlau 4 nam, Mpồl ơruh pơnu lơh broă dong kờl is dong kờl, dong kờl mhar rềs àr gùng lòt xã Đăk Man, kơnhoàl Đăk Glei, càr Kon Tum neh tus bal dong kờl gi\t nđờ jơ\t dơ\ rềs àr gùng lòt tàm gùng kùel kơh Lò Xo, gơl gùng ngòt rơngơ\t ngan rlau jơh tàm gơl gùng Hồ Chí Minh.

Ờ mìng bè hơ\ lơm gời, mờ nùs nhơm lam lài lơh broă dong kờl is, khin kơlôi khin lơh tài làng bol [òn lơgar, ală cau bơh mpồl dê gam pơgồp bơnah lơh tam gơl jơnau pin dilah dong kờl cau gơtìp sồt să, gơtìp chơ\t tài bơh rềs àr gùng lòt digơlan geh gơtìp ală jơnau ờ niam bơh cau Jeh Triêng tàm tiah do dê.

Geh Tỉnh Đoàn Kon Tum crơng gơs nam 2014, Mpồl ơruh pơnu lơh broă dong kờl is dong kờl, dong kờl mhar rềs àr gùng lòt xã Đăk Man geh 10 nă cau, sơnam gam kơnòm ngan, tàm hơ\ geh tus 9 nă cau tàm mpồl là cau kòn cau Jeh Triêng.

Mpồl dong kờl mhar rềs àr gùng lòt xã Đăk Man tus dong kờl dơ\ rềs àr gùng lòt rơndeh năc ngai 1/3 pa do

Bi A Chải, Bí thư Đoàn xã Đăk Man, là cau atbồ mpồl dong kờl pà gi\t, pah nam mpồl tus dong kờl pơgăp 7 dơ\ rềs àr gùng lòt. Ờ go\ kờp ngai halà mang, mìu halà tơngai mìng dilah geh rềs àr gùng lòt gơtìp tàm ù tiah do là geh mat ală cau bơh mpồl dê. Bi A Chải, pà gi\t:

Oh mi tàm mpồl jơh nùs, jơh tồr ngan dong geh cau, dong geh khi ờ ngòt, ờ kơlôi bơta lơi ờ. Tus bal tơl jơh dong kờl cau. Tu\ mờ neh dong kờl cau den bol a` gàr wơl bè ờs tiah gơtìp rềs àr, hơ\ sồng phan bơna ai cau gơtìp sồt să in. Lài mờ tơnơ\ dơ\ sa tềp pa do, mpồl bol a` dê tus dong kờl 2 dơ\.

Tàm hơđang kùel kơh Lò Xo đah càr Quảng Nam 3 jiơ drim ngai 10/2 rơndeh Quảng Nam pơndiang lơ u tềng rơndeh geh 4 nă cau, dùl nă cau gơtìp chơ\t. Bàr là dơ\ rềs àr ngai 1/3 pa do, kơno yal là bol a` lòt tơn tus dong kờl mhar ngan rlau jơh.

Tàm gơl gùng Hồ Chí Minh lòt gan ală càr Tây Nguyên, kùel kơh Lò Xo gơl lòt gan xã Đăk Man, kơnhoàl Đăk Glei, càr Kon Tum jòng pơgăp 30 kơi sồ là tiah sùm gơtìp rềs àr gùng lòt. Tàm kùel kơh do, lài do neh geh tu\ gơtìp rềs àr ngòt rơngơ\t ngan mờ khà cau gơtìp chơ\t mờ sồt să gơguh tus gi\t nđờ jơ\t nă.

Pa do ngan rlau jơh là tàm tu\ 2 jiơ 30 phuk àng drim gờ` ngai 1/3, tàm kơi sồ 1419+500, rơndeh năc [àng sồ 90B-005.32 gam lòt tàm gùng bơh càr Hà Nam tus càr Gia Lai tu\ lòt tus anih do den nisơna gơdùh tàm tiah thòng jrô lơh 1 nă cau chơ\t mờ 19 nă cau gơtìp sồt să.

Mpồl dong kờl mhar rềs àr gùng lòt xã Đăk Man tus dong kờl dơ\ rềs àr gùng lòt rơndeh năc ngai 1/3 pa do

Tàm dơ\ rềs àr gùng lòt do, kơnờm geh mpồl dong kờl mhar rềs àr gùng lòt xã Đăk Man dê mờ ală cau năc đìh tàm rơndeh do gơtìp sồt să geh sơrbac mhar jun bơh tiah thòng jrô guh tus hơđang gùng mờ geh jun tus hờ hìu sơnơm nàng dong kờl mhar mờ di tu\, dilah ờ den jơnau gơlời wơl là gam ngòt rơngơ\t ngan tai. Bác sĩ Lê Huy Thanh, Kuang atbồ Hìu sơnơm xã Đăk Man, pà gi\t:

Nùs nhơm rơcang lài dong kờl bơh Mpồl dong kờl rềs àr dê mờ mờng chài nàng dong kờl bơh oh mi dê sơlơ ngai sơlơ uă là tài bơh lòt dong kờl uă. Dơ\ pa do, mìng tàm pơgăp 2 jiơ lơm ală cau gơtìp gơdùh tềng tiah thòng jrô neh geh jun guh tus hơđang gùng mờ lòt jun tus hờ hìu sơnơm. Gơlơh sơrbac mhar ngan mờ gàr niam geh ală cau gơtìp aniai in.

Bal mờ dong kờl di tu\ ală dơ\ rềs àr gùng lòt gơtìp tàm ù tiah do dê, Mpồl ơruh pơnu lơh broă dong kờl is dong kờl mờ dong kờl mhar rềs àr gùng lòt xã Đăk Man gam jơh nùs lòt dong kờl mpồl lơh broă geh gơnoar càr rềp bal Quảng Nam tàm broă dong kờl ală dơ\ rềs àr gùng lòt.

Bè tàm ngai 18/4/2015 lài do, lòt dong kờl rơndeh năc gơdùh tàm tiah thòng tàm gùng kùel kơh Lò Xo đah kơnhoàl Phước Sơn, càr Quảng Nam mờ 29 nă cau gơtìp aniai, tàm hơ\ geh 2 nă cau chơ\t; ngai 23/6/2015 dong kờl rơndeh năc gơdùh tàm tiah thòng mờ 34 nă cau gơtìp aniai, tàm hơ\ geh 1 nă cau chơ\t mờ 6 nă cau gơtìp sồt să kơn jơ\... 

Bòl glar, sơbơng roh ngan rlau jơh gơ wèt mờ ală cau lòt dong kờl bơh cau gơtìp rềs àr gùng lòt dê tàm gùng kùel kơh Lò Xo là uă ngan ală dơ\ rềs àr gùng lòt gơtìp tàm trồ mang; rơndeh kung bè cau gơtìp aniai uă ngan là gơdùh tàm tiah thòng jrô den tàng broă dong kờl kal ke ngan mờ sơbơng roh ngan.

                               Gùng koèl kơh Lò Xo sùm gơtìp rềs àr gùng lòt 

Nàng jun cau gơtìp aniai bơh tềng hơđơm tiah thòng jrô guh tus hơđang gùng, cau tàm Mpồl dong kờl sùm pal mă cau gơtìp aniai tềng ngkời den hơ\ sồng kuar pòl tềng che hàu guh kơh jơnhoa ngan.

Đơs bè Mpồl ơruh pơnu lơh broă dong kờl is dong kờl mờ dong kờl mhar rềs àr gùng lòt xã Đăk Man, ồng Nguyễn Xuân Hướng, Chánh Văn phòng ờdo ờdă gùng lòt càr Kon Tum, pà gi\t:

Do là dùl Mpồl dong kờl, dong kờl mhar kuơmàng ngan mờ mpồl do neh lơh broă di nđờ nam do geh cồng nha ngan. Tu\ mờ geh rềs àr gùng lòt mờ kơno yal den mpồl do là dùl tàm ală mpồl tus bơh sơnrờp tus tàm tiah gơtìp rềs àr mờ jơh nùs ngan tus bal jun cau gơtìp aniai guh tus hơđang gùng mờ jun tus hờ hìu sơnơm nàng geh dong kờl di tu\. Bơh hơ\, tơrmù uă ngan bơta chơ\t jê gơlik tus gơ wèt mờ cau gơtìp aniai.

Mờ nùs nhơm lam lài lơh broă dong kờl is, khin kơlôi khin lơh tài làng bol [òn lơgar, ală cau tàm Mpồl dong kờl mhar rềs àr gùng lòt xã Đăk Man ờ mìng là cau dong kờl ai ală cau gơtìp aniai tàm gùng kùel kơh Lò Xo in lơm gời mờ khi gam lơh geh dùl broă geh kuơ ndai, hơ\ là pơgồp bơnah lơh tam gơl jơnau pin dilah dong kờl cau gơtìp sồt să, gơtìp chơ\t tài bơh rềs àr gùng lòt den geh gơtìp ală bơta ờ niam bơh cau Jeh Triêng dê.

Ồng A Lê Mai, Chủ tịch Ủy ban Nhân dân xã Đăk Man pà gi\t, lài do làng bol Jeh Triêng kis tàm pe [òn bơh xã dê jat kềng gah gùng Hồ Chí Minh, tàm hơ\ geh Đông Nay, Đông Lốc, Măng Khênh sùm pleh ngài ală dơ\ rềs àr gùng lòt mờ ờ go\ kờ` tus bal dong kờl. Mơya, sền go\ ală broă lơh niam bơh Mpồl dong kờl mhar rềs àr gùng lòt xã Đăk Man dê mờ làng bol neh geh bơta tam gơl tàm bơta kơlôi sơnơng mờ broă lơh:

Jơnau gi\t wa\ bơh làng bol dê neh geh tam gơl uă. A` sền go\ làng bol tàm ù tiah pe [òn bơh xã dê neh lơh geh là cau ờ go\ khin ờ go\ wèr bơkal tai. Sơrlèt gan geh bơta kal ke là wèr bơkal mờ ngòt. Tu\ cau lòt rê tàm gùng mờ cau gơtìp rềs àr den làng bol kung tus dong kờl sơl. Làng bol neh gi\t wa\ geh bơta do neh sơrlèt gan geh bơhiàn ờ niam bơh lài do.

Tơnơ\ rlau 4 nam tus bal dong kờl gi\t nđờ jơ\t dơ\ rềs àr gùng lòt tàm gùng kùel kơh Lò Xo, 10 nă cau tàm Mpồl ơruh pơnu lơh broă dong kờl is dong kờl mờ dong kờl mhar rềs àr gùng lòt xã Đăk Man, kơnhoàl Đăk Glei, càr Kon Tum neh gi\t geh uă jơnau mờng chài mờ ngai sơlơ jak chài rlau tàm broă dong kờl cau gơtìp rềs àr.

Mơya, jơnau mờ 10 nă cau tàm Mpồl dong kờl mhar rềs àr gùng lòt xã Đăk Man kơ\p kờ` là gùng kùel kơh Lò Xo geh gơ gơs là gơl gùng lơngăp lơngai ờdo ờdă nàng khi in ờ duh tai pal ngui ală bơta mờng chài mờ bơta gi\t wa\ do!

Cau mblàng mờ yal tơngi\t- Lơ Mu K’Yến