VOV4.K’ho – Drim òr (16/4), mpồl đơng lam chul chồl tă dia mờ rơcang sơndră hoàc huơr kes priă dà lơgar càr Dak Lak dê bơyai lơh pơrjum sền wơl bè ală bơta, bè cồng nha tă dia mờ rơcang sơndră hoàc huơr kes priă dà lơgar 3 nhai bồ nam 2019 mờ lam lơh kơnòl broă ală nhai pơn jat tai, bơh nhai 4 tus nhai 6.

Tàm dơ\ pơrjum, ală kuang bàng tàm mpồl đơng lam neh tơrgùm lơh loh ờ uă bơta gam ờ niam mờ jòi broă lơh bơsong tus mờ ală bơta geh sền gròi uă, bè: dồs gam wơl priă dia ngai sơlơ gơguh uă; dồs priă ngui ù bơh UBND [òn dờng Buôn Ma Thuột atbồ gam wơl bơh uă nam; đal git, lùp khàu ală mpồl lơh sa kă bro kă bro phan bơna, ngui sră pơ àr bơh hìu bơnhă kă bro dê gam kal ke; crơng gơs bơta gơ rềng đah ală gah lơh broă tàm broă lam lơh ală rơndap broă rơcang sơndră hoàc huơr priă dia…

 Jat jơnau yal tàm dơ\ pơrjum, kờp jơh khà tă dia 3 nhai bồ nam 2019 tàm càr geh rlau 1 rbô 590 tơmàn priă. Ală rơndap broă rơcang sơndră hoàc huơr kes priă dà lơgar geh lam lơh ring bal mờ geh cồng nha niam bè Rơndap broă rơcang sơndră hoàc huơr tàm gah kă bro xăng zờu git go\ 90 broă lơh tìs, kờp jơh priă ai wơl, lơh glài mờr 1 tơmàn 300 tơlak; tàm gah tơnhàu phan kuơ tàm ù gơguh tă dia rlau 1 tơmàn 800 tơlak priă…