VOV4.K’ho - Mho òr (28/05), Phó Thủ tướng ồng Vũ Đức Đam, Kuang atbồ mpồl đơng lam Dà lơgar sơndră mờ kòp Covid-19 neh pơrjum pờ tơlĭk tàm internet, iăt jơnau yal bè broă sơndră mờ kòp gơtờp bơh bàr càr Bắc Ninh mờ Bắc Giang.

Jăt jơnau yal, càr Bắc Giang neh lơh jăt broă xét nghiệm rơwah tàm uă tiah gơwèt mờ ală tiah ờ hềt gơtìp kòp, ală kơnhoàl ờ hềt tam cah ngài mpồl bơtiàn; tơnguh broă sền gròi ală cau gơtìp bơsiă, duh să. Tàm càr Bắc Ninh, tơnơ̆ mờ tŭ gŏ ală cau neh gơtìp mờ kòp tàm mpồl tiah lơh sa mờ măi mŏk Khắc Niệm, càr Bắc Ninh gam lơh jăt nền nòn ngan ală broă lơh, tàm hơ̆ geh broă chồl mhar broă ai phan xét nghiệm rơwah ală tiah, mờ rơlao 30 rơbô phan xét nghiệm geh ai.

Tàm pơrjum, Phó Thủ tướng ồng Vũ Đức Đam sồr, càr Bắc Ninh mờ càr Bắc Giang pơn jăt tai tơrgùm xét nghiệm, rơwah uă tiah nàng sền gròi bơta kòp gơtờp, gàr ờ do ờ dă ai ală tiah lơh sa mờ măi mŏk in.

Cau mblàng Ndong Brawl